Danmarkimi
isumaginninnermut ministereqarfik Sermitsiamut allappoq, Isumaginninnermut
Ineqarnermullu aqutsisoqarfik Syddansk Universitetimut taakkualu tarnikkut
kingunerlutsitsisunut ilisimasaqarfiannut misissuinissaq pillugu isumaqatigiissuteqartoq.
Angajoqqaat
piginnaaneri pillugit misissuinermi eqqarsartaatsikkut misiliutit
kalaallisuunngortinneqarlutillu naleqqussarneqarnissaat pilersaarutaagaluarpoq.
Tamannali piffissaq aalajangersagaq atorlugu 2023-mi
naammassineqarsinnaanngilaq, taamaattumillu isumaqatigiissutigineqarluni
2024-mi misissuisoqaqqaarnissaa, kingusinnerusukkut suliap
ingerlateqqinnissaanut isummernissamut tunngaviusussanik.
Danmarkimi
isumaginninnermut ministereqarfik Sermitsiamut allappoq, Isumaginninnermut
Ineqarnermullu aqutsisoqarfik Syddansk Universitetimut taakkualu tarnikkut
kingunerlutsitsisunut ilisimasaqarfiannut misissuinissaq pillugu isumaqatigiissuteqartoq.
Angajoqqaat
piginnaaneri pillugit misissuinermi eqqarsartaatsikkut misiliutit
kalaallisuunngortinneqarlutillu naleqqussarneqarnissaat pilersaarutaagaluarpoq.
Tamannali piffissaq aalajangersagaq atorlugu 2023-mi
naammassineqarsinnaanngilaq, taamaattumillu isumaqatigiissutigineqarluni
2024-mi misissuisoqaqqaarnissaa, kingusinnerusukkut suliap
ingerlateqqinnissaanut isummernissamut tunngaviusussanik.
Misissuinerit atortarunnaarsigit
Misissueqqaartoqarnerata
nalaani kommunini 98-iusunit 96-ini angajoqqaat kalaallit tarnimikkut
misissorneqartarneranni misilitsissutit qallunaatut suliarineqarsimasut
qallunaanullu naleqqussarneqarsimasut suli atorneqartarput.
Eqqartuussissuserisoq
Jeanette Gjørret Stage suliffeqarfimmit eqqartuussissuserisuneersoq
isumaqarpoq, tamanna ajornartorsiutaasorujussuusoq:
– Maalaaruteqartarnermut
Aqutsisoqarfik, kommuninik nakkutilliisuusoq, pisortatigoortumik
nalunaaruteqartariaqarpoq, taamaalilluni kommuninut peqqussuteqarsinnaalluni
angajoqqaat eqqarsartaasiannik misissuinermi tarnimikkut misissuisarnerup
unitsinneqarnissaanik, misissueqqissaarnerit oqaatsinut kulturimullu
naleqquttut nutaat pilersinneqarnissaasa tungaanut.
– Misissuinermi atorneqartartut tatiginanngitsut atorneqartarnerat,
isumaqarpunga akuerineqarsinnaanngilluinnartoq.
Misissuinissaq inatsisitigut
piumasaqaataanngitsoq
Ullumikkut kommunit meeqqamik angerlarsimaffiup avataanut inissiinermut
atatillugu angajoqqaajusut piginnaanerinik misissuisarnissaat inatsisitigut
piumasaqaataanngilaq. Misissuisoqarsimagaangalli tamanna suliami
pingaartinneqartaqaaq.
– Angajoqqaajusut piginnaaneri pillugit misissuinermut taarsiullugu
kommunit assersuutigalugu ilaqutariinnik sullissisumik immikkut ilisimasalimmik
suliamut attuumassuteqartitsisinnaapput, taanna Kalaallit Nunaanni kulturimik
immikkut ilisimasaqartuusinnaavoq.
Jeanette Gjørret aamma isumaqarpoq, siusinnerusukkut suliani tarnip pissusiinik
misissuinerit atorneqarsimasut nalilersorneqaqqittariaqartut.
– Taamatut iliortoqartariaqarpoq, paasiniarlugu tarnip pissusiinik
misissuinerit suliani meeqqanik kalaallinik angajoqqaalinnik inissiisarnerni
aalajangiisuusimanersut. Taamaappat suliaq suliareqqinneqartariaqarpoq.
Matumanimi oqallisigisatsinni ilaqutariit inuunerannut akuliunneq annertuvoq.
