KL

DK

ANNIKITSUMIK AATSITASSARSIORTARTOQ

Kalaallit kuultiat uppernarsaaserneqarsimasoq piumaneqarluassaaq

Amaroq Minerals IBA pillugu Kommune Kujallermut aamma Naalakkersuisunut isumaqatiginninniarnissaminni kalaallit kuultiannik uppernarsaasikkanik tunisassiornissamut pisussaaffilerneqartariaqarpoq. Annikitsumik aatsitassarsiornermik ingerlataqartoq, kalaallit kuultiannik soqutiginninnermik annertuumik nalaataqartoq taama oqarpoq

Ifølge småskalaaktør og indehaver af smykkeværkstedet Kassoq Palle Møller, så vil Grønland gå glip af en væsentlig brandingmulighed, hvis guldet fra Nalunaq blandes med guld fra andre steder i verden.
Annikitsumik aatsitassanik suliaqartartoq aamma pinnersaasiornermik sullivimmik Kassumik piginnittup Palle Møllerip oqarnera naapertorlugu, Nalunamit kuulti nunarsuarmi sumiiffinnit allanit kuultimik akuneqassappat, Kalaallit Nunaat nittarsaassinissamut periarfissarujussuarmik annaasaqassaaq
Trine Juncher Jørgensen
TUSAGASSIORTOQ / JOURNALISTI
Saqqummersinneqarpoq

Nunatsinni maanna nunanit allanit aningaasaliisut annerpaartaat Canadamiut Amaroq Minerals VVM-imik aamma VSB-mik akuersissuteqarfigineqaqqammerpoq, tassani aatsitassarsiornermik suliniutip avatangiisinut inuiaqatigiinnullu sunniutaat nassuiarneqarput, kiisalu pitsaanngitsumik kingunerluutissat ingerlatseqatigiiffiup annikillisinniarlugit qanoq iliornissaanut tunngasoq. 

Taakku Kommune Kujallermut aamma Naalakkersuisunut 2024-p naannginnerani IBA-mut isumaqatigiissusiorsimanissaat naatsorsuutigineqarpoq.

Nunatsinni maanna nunanit allanit aningaasaliisut annerpaartaat Canadamiut Amaroq Minerals VVM-imik aamma VSB-mik akuersissuteqarfigineqaqqammerpoq, tassani aatsitassarsiornermik suliniutip avatangiisinut inuiaqatigiinnullu sunniutaat nassuiarneqarput, kiisalu pitsaanngitsumik kingunerluutissat ingerlatseqatigiiffiup annikillisinniarlugit qanoq iliornissaanut tunngasoq. 

Taakku Kommune Kujallermut aamma Naalakkersuisunut 2024-p naannginnerani IBA-mut isumaqatigiissusiorsimanissaat naatsorsuutigineqarpoq.

 Ingerlatseqatigiiffiup nunaqavissut sulisut aamma nunatsinni suliffeqarfiit Nalunami kuultisiornissamik suliniutiminni sanaartornermut aamma ingerlatsinerminni peqataatinneqarnissaat isumaqatigiissutip qulakkiissavaa.

IBA-mut isumaqatigiissutip suliarineqarneranut atatillugu nunatsinni annikitsunik suliaqarnermik ingerlatsisoq aamma pinnersaasiassanik sullivimmik Nuummi Kassumik piginnittoq, Palle Møller, ingerlatseqatigiiffik kalaallit kuultiannik uppernarsaasikkanik kuultinik issoqqarissulianik anginerusunik aamma minnerusunik, suminngaanneernerinik aamma avatangiisinut illersorneqarsinnaasumik piiaarneqarsimanerannut uppernarsaasikkanik tunisassiornissamut pisussaaffilerneqarnissaa neriuutigaa.

Katinnermi assammiutit nuannarineqarluartut

Ingerlatseqatigiiffiup uppernarsaat taanna qulakkeersinnaappagu, taava kuulti nunap pisuussutaanut tunngatillugu innuttaasut tulluusimaarnermik aamma piginnittuunermik misigisimanerannut tapertaassaaq, aamma nunarsuarmit tamarmit pisisartunut soqutiginartuussaaq.

”Pinnersaasianik kalaallit kuultiannik sulianik atugaqarsinnaaneq – minnerunngitsumillu katinnermi assammiut ullumikkut nuannarineqarluarput. Kalaallit Nunaanni kisimi pinnani”, Palle Møller tusarniaanermut akissummi allappoq, kuultisiorfimmilu siuliani ingerlatseqatigiiffimmut Crew Gold Corporationimut innersuussilluni, taanna 2004-2009-mi kuultinik issoqqarissulianik “Nalunaq Gold”-imik nalunaaqutsikkanik sanaartorpoq, taakkulu ilaatigut nunaqavissunit pisiarineqarsinnaasimapput.

Nalunami kuultisiorfik siornatigut marloriarluni tunisassiornermik ingerlatsiffiuvoq. Siullermik 2004-09 Canadamiunit Cre Gold Corporationimit, tassani kuultinik issoqqarissulianik Nalunaq Goldimik naqitanik tunisassiortoqarpoq. Kuulti issoqqarissuliaq tassani 140.000 koruuninik naleqarpoq.

Isumaqatiginninniarneq

Inuussutissarsiornermut, niuernermut, aatsitassanut, inatsisit atortinneqarnerannut naligiissitaanermullu naalakkersuisoq, Naaja H. Nathanielsen (IA), Palle Møllerip kissaataa atuarsimallugu siornatigut oqaaseqareerpoq, maannakkullu akissuteqaammi juulip 29-aneersumi, ingerlatseqatigiiffimmut IBA-mut isumaqatigiissummut siunnersuutini suli allattorsimaffinniittoq uppernarsaavoq.

”Soorunami neriorsuuteqarsinnaanngilanga, soorlu allariikkattut isumaqatiginninniarnerummat. IBA-mut isumaqatigiissut 2024-p naanerani aatsaat isumaqatigiissutigineqartussaavoq. Naalakkersuisut maanna VVM aamma VSB akueraat, tunisassiornerup aallartinneqarnissaa alloriarnerit tullerissavaat. Tamanna anguniarlugu akuersissutinik arlalinnik pisariaqartitsisoqarpoq. Tassa imaappoq: Isumaqatiginninniarnerit suli aallartinngillat, kisianni kissaatitit eqqaamaneqarluarput.”

Amaroq Mineralsip pisortaa Canadamiu Joan Plant, “kuultinik nunaqavissunut aamma annikitsumik aatsitassarsiornermik suliaqartunut tuniniaanissamut periarfissat misissornissaannut ammaffiginnillutik” siornatigut Sermitsiamut oqaaseqarnikuuvoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

grønlandsk guld erhverv amaroq minerals vvm og vsb iba-aftale inuussutissarsiutit mineprojekt

ATORFIIT Se alle jobs

Powered by Labrador CMS