MOTOORI
Qamuteralaffissanngulerpoq
Aputeqangajalissooq, illoqarfillu qimallugu qamuteralattalernissaq qallivoq. Lynx, Ski-doo Arctic Catillu Kalaallit Nunaanni suli nuannarineqarnerpaapput.
Qamuteralaffinnguliivippoq. Skii-Doo Expedition LE-mut 2026-moortut aaku.
Assi: Ski-Doo
Qamuteralaat
nunatsinni angallatitut aliikkutaralugillu atorluartarpagut. Qamuteralaat
ukiuni qulini kingullerni tunineqartut amerliartuinnavipput.
Qamuteralaat
nunatsinni nalunaarsorneqarsimasut 3.326-upput, 2015-imilu 922-nit
nalunaarsorneqarsimasunit amerlanerungaatsiarlutik.
Ski-doo
Lynxillu
Grønlands
Bådcenter qamuteralannik Lynxinik Ski-doonillu meqqilinnik nioqquteqarpoq.
Taakku Kalaallit Nunaanni qaqqani portusuuni aputeqarluartartunilu
tulluartuupput.
Grønlands Bådcenter tuniniaasullu allat qamuteralannik nutaanik peqaleqqammerput. Lynx 69 Ranger Alpinet aaku.
Assi: Lynx
Lynxit
Finlandimi suliffissuarmi nunarsuarmi anginerpaami nutaaliaanerpaamilu
sanaartorneqartarput, Ski-doollu Canadameersuupput nalunnginneqarluartuusut.
Taakku motoorii piginnaasaallu imminnut eqqaanarput.
Qamuteralaat 2026-moortut Grønlands Bådcenterimi
pigineqaleqqammerput, soorlu Ski-doo Expedition LE aamma Lynx 69 Ranger Alpine
900 Ace turbo.
QAMUTERALAAT
2025: 3326
2024: 3389
2023: 3307
2022: 3156
2021: 2869
2020: 2719
2019: 2478
2018: 1543
2017: 1411
2016: 1177
2015: 922
Aallerfik : Stat.gl
Qamuteralaat Amerikameersut Arctic Catit Kalaallit Nunaanni nuannarineqarluarput. Arctic Star Sisimiuniittoq Arctic Catinik tuniniaasuuvoq.
Assi: Arctic Cat
Grønlands Bådcenter Bifrost
Motorsimut Sisimiuniittumut, KJ Greenlandimut Ilulissaniittumut Aasiannilu
aamma BM Sanasoq og El-imut Tasiilamiittumut kiisalu tuniniaasumut John
Hansenimut Ittoqqortoormiinittumut Lynxinik Ski-doonillu pilersuisuuvoq.
Arctic Cat
Qamuteralaat
amerikameersut Arctic Catinik meqqillit Arctic Starimi Sisimiuniittumi
tikisinneqartarput, iluarsaanneqartarput tuniniarneqartarlutillu. Taakkulu
nunap sinnerani pisisartunut tuniniarneqartarlutik.
Nutaanerpaat
2026-moortut piniarfimmiileqqammerput, taakkuullutillu modellit mountainit HCX
aamma HCR 858, tamatigoortut Riot 858 ATAC aamma 9000 ATAC.
