Kalaallit Nunaanni naalagaaffiup
sinniisua siulleq Torben Hede Pedersen (1937-2000) Nuutoqqami atorfilittatut
ineqarfimmi eqqaani illuaqqami allakkisartartunik tuiuteqarsimavoq.
Naalagaaffiup sinniisaata
tuiutaasa ilaat 1980-imi seqinnarissuup ataani Nuummiit Qooqqunut
timmisimapput, taamanilu qaqqani akunnittarfiup qaavanut missimallutik.
Kisiannili, igasup tuit qaqqorissut aqissiusorisimavai. Tuit tamaasa
timmiarsiumminik aallaavai. Timmissat erisarneqarlutillu, sianneqarlutillu
neriartortunut sassaalliutigineqarput, taakkualu aqissit qatii
mamarluinnarnerarlugit nersualaarpaat.
Kalaallit Nunaanni naalagaaffiup
sinniisua siulleq Torben Hede Pedersen (1937-2000) Nuutoqqami atorfilittatut
ineqarfimmi eqqaani illuaqqami allakkisartartunik tuiuteqarsimavoq.
Naalagaaffiup sinniisaata
tuiutaasa ilaat 1980-imi seqinnarissuup ataani Nuummiit Qooqqunut
timmisimapput, taamanilu qaqqani akunnittarfiup qaavanut missimallutik.
Kisiannili, igasup tuit qaqqorissut aqissiusorisimavai. Tuit tamaasa
timmiarsiumminik aallaavai. Timmissat erisarneqarlutillu, sianneqarlutillu
neriartortunut sassaalliutigineqarput, taakkualu aqissit qatii
mamarluinnarnerarlugit nersualaarpaat.
Ilumoorpa
oqaluttualiaannaavaluunniit?
Tueq qaqortoq olivenip
avalequtaanik kimmilik silarsuarmi aallaasersortoqaraluartoq
sorsuttoqaraluartorlu suli uumavoq.
Frimærki allapalaagaq
Frimærki eqqissinerup tuianik assiliartalik Tusass Greenlandip Malmømi
frimærkinik saqqummersitsinerani Nordia 2025-mi saqqummersinneqassasoq
frimærkinik tuniniaanermi pisortap Allan Pertti Frandsenip Sermitsiamut
oqaluttuaraa.
Frimærki sutigut tamatigut
nutaajuvoq: Ilaatigut ullumi tallimanngornermi saqqummerpoq, aammali
allapalaagaq, Østrigimi suliffimmi Hämmerle & Vogel-imi meqqut ujalussiarlu
atorlugit allapalaagaasoq saqqummerpoq.
Kisianni ilumoorpoq: Frimærki nipputseriaannaq allakkamut
nipputsinneqarsinnaavoq, 75 koruuninillu naleqarami Danmarkimut Europallu
sinneranut allakkat 250 gram ataallugit oqimaassusillit nalinginut
atorneqarsinnaavoq.
– Frimærki atorsinnaallunilu eqqumiitsuliaavoq mikisuararsuaq sakkortuumik
oqariartuuteqartoq, Allan Pertti Frandsen oqarpoq.
Nunami fyrsteqarfimmi mikisumi
Liechtensteinimi allakkerivik eqqissinerup tuianik olivenip avalequtaanik
kimmisumik allapalaarlugu assiliartalimmik frimærkeqarnissamut
isumassarsisuuvoq. Nunat allat qulit allakkeriviisa nunarsuarmi
eqqissiviiffiusumi isumassarsiaq nuannarigamikku frimærkimik assinganik
taamaallaat allakkeriviit sumiinnerat apeqqutaatillugu nunagisap allassimanera
nalingalu allanngortiinnarlugit assiliartalimmik assinganillu sanaamik
saqqummersitsipput.
Piffissami tamatumani eqqissinerup tuia nunani
soorlu Savalimmiuni, Ålandimi, Luxembourgimi, Østrigimi, Schweizimi – aamma
Kalaallit Nunaanni – frimærkini nassiunneqartartuni atorneqarpoq.
