Præsident Trumpip arlaleriarluni Kalaallit Nunaannik
tiguaanissaminik kissaateqarneranut ernumaneq nalliuttorsiornerni
malunnarpoq, Danmarkimi kalaallit peqatigiiffiisa kattuffia Inuit
sapaatit akunnerata naanerani ukiumoortumik Vejlep eqqaani
Brædstrupimi erinarsoqatigiinnut unammisitsimmat.
Unammineruvoq marlunnut
avinneqartoq, aappaa erinarsoqatigiinnut kisimiilluni erinarsortullit
nipilersortoqarani aappaani erinarsoqatigiit kisimiillutik
erinarsortartulinnut nipilersortoqartunut. Unamminerni marluusuni
erinarsuutit nutaat ajugaasuupput, tamarmik Trump Kalaallillu
Nunaanut qunusaarinera pillugu taallaqartut.
Præsident Trumpip arlaleriarluni Kalaallit Nunaannik
tiguaanissaminik kissaateqarneranut ernumaneq nalliuttorsiornerni
malunnarpoq, Danmarkimi kalaallit peqatigiiffiisa kattuffia Inuit
sapaatit akunnerata naanerani ukiumoortumik Vejlep eqqaani
Brædstrupimi erinarsoqatigiinnut unammisitsimmat.
Unammineruvoq marlunnut
avinneqartoq, aappaa erinarsoqatigiinnut kisimiilluni erinarsortullit
nipilersortoqarani aappaani erinarsoqatigiit kisimiillutik
erinarsortartulinnut nipilersortoqartunut. Unamminerni marluusuni
erinarsuutit nutaat ajugaasuupput, tamarmik Trump Kalaallillu
Nunaanut qunusaarinera pillugu taallaqartut.
Erinarsoqatigiinni
nipilersortartoqanngitsuni ajugaasuuvoq Aqissiaq
Lolland-Falsterimeersoq erinarsuullu Qaa, tamavitta ataatsitut,
Bolethe Leonhardimit taalliarineqartoq. Eriniarsuummi quianartunik
oqaasertaqarpoq unnersiutigineqartumik – ilaatigut pineqarluni
Floridami seqinnarissumi kiattumilu pissutsit USA-llu nunap
inoqqaavinik pinnittarnera. ”Så pas på. Lad os stå sammen”
(ataatsimoorta aaqq.), oqariartuutigineqarpoq.
Vejlemit Erinaq Kalattoornerlu Kapisililerngusaanneq atorlugu, tassaasoq atortorpassualik. Erinarsortuuvoq Jørgen Chemnitz Petersen (tungujortumik annoraalik) erinarsuut naggaserlugu qamannga pisumik oqarluni: Fuck Trump.
Assi: Jesper Hansen
Erinarsoqatigiit nipilersoqateqartut immikkoortortaanni Vejlemi Erianaq Kalattoortartullu ajugaapput erinarsuut erinarsuutaavoq amerikamiut sorsunnersuarmi (1861-65) erinarsuutaat Battle Hymn of the Republic - Danmarkimi General Napoleon aamma angutitut tusindeutut ilisimaneqartoq. Erinarsuut Kapisililerngusaanneq taaguuteqarpoq Karl Jensenimit allanneqarsimalluni.
Fuck Trump
Vejlesangen tassaavoq pinnersaataalluartoq aalisartut atisaannik, kalaallit erfalasuinik amerikamiullu ulloriaasartalinnik balluuninik, naggataatigullu nipitoorujussuarmik seqqorneqarlutik, taavalu siulliulluni erinarsortartoq Jørgen Chemnitz Petersen uummammit pisumik ”Fuck Trump” oqarpoq. Uummammit pisuuvoq, qularutissaanngilaq.
Ulloq aallarnerlugu erinarsoqatigiittoqarpoq. Aalborgimiit Ikinngutigiit tunorliupput.
Assi: Jesper Hansen
Tassalu 41-ssaannik Fællesforeningen Inuit Tusariarlinngooq - ullumikkut Tusa - korinik aaqqissuussivoq, tassaasut Kalaallit Nunaanni peqatigiiffinni assigiinngitsuni pingaarutilittut inissisimasut. Katillugit arfineq-marluk korit unammisitsinermi peqataapput.
Unammisitsineq Kalaallit Nunaannut atassuteqartunut Danmarkimiittunut amerlasuunut nuannersuuvoq - aammalu ataatsimoornermik, ataatsimoorluni nerinermik nuannisarnermillu tunngaveqartoq. Unnukkut nalliuttorsiortoqartarpoq kalaallillu aliikkusersuisarlutik.
Maleruagassat nutaat
Unamminerni ajugaasut
Immikkoortumi siullermi kisimiillutik erinarsortut erinarsoqatigiillu
nipilersortoqanngitsut:
1.
Aqisseq Lolland-Falster, atorlugu “Qaa, tamavitta ataatsitut”
2.
Ullorissat Aalborg, atorlugu “Saammaassisora Guuterput-aa”
3.
Ikinngutigiit Aalborg, atorlugu “Isigaasi sassareertut aaku”
Immikkoortup
aappaani kisimiilluni erinarsortulik erinarsoqatigiillu
nipilersortullit:
1.
Vejlemi Erinaq Kalattoortartullu, atorlugu “Kapisililerngusaanneq”
2.
Ullorissat Aalborg, atorlugu “Kingumut seqernup nuivaa”
3.
Mette og Ikerasak Aalborg koret, atorlugu “Uanga ernera asasara”
- Maleruagassat iluarsilaarsimavavut, erinarsoqatigiit nipilersortullit nipilersortoqanngitsullu unammillutik. Siusinnerusukkut kisimiillutik erinarsortut erinarsoqatigiillu immikkoortittarpavut, Camilla Siesing, Kattuffimmi Inuit siulittaasuusoq oqaluttuarpoq.
- Tamanna iluatsitsineruvoq. Unammineq naligiinnerulerpoq – taamaattumik aamma unamminermi peqataasorpassuit erinnanik nutaanik atuipput. Tusap kalaallit peqatigiiffiinik sulinermik tapersersuinerata saniatigut unammineq arlaatigut kalaallit erinarsuutaannik kalaallinullu erinarsullammannut tukersitsivinngorpoq.
Kikkut tamarmik nalliuttorsiorlualaavipput.
Assi: Jesper Hansen
- Erinarsuutit aamma assersuutigalugu takutippaat, suna Kalaallit Nunaanniit Danmarkimi najugaqartunut pingaaruteqartoq. Assersuutigalugu erinarsuut aamma peqarpoq pinngitsaaliilluni nuutsitsisarnernut tunngasumik, taamaattumik ileqqutoqqanik unammisitsineq allaanerusumik pissuseqalersimavoq, siornatigut takusimanngisatsinnik. Tamanna iluatsilluarpoq - tamannalu naammagisimaarparput.
Katuullit unammisitsinerat Hotel Pejsegårdenimi Brædstrupimi ingerlanneqarpoq, tassanilu ataatsimiittarfik angisooqippoq. Kalaallit ataatsimiinnerannut sanilliulluni danskit frimurerit ataatsimiinnerat angisooq ingerlanneqarpoq - tamannalu kulturimut unammillernartuuvoq, danskit angutit ilumoortut kjoleqarlutik qaqortumillu atisallit naapimmata kalaallit festimut atisalersorsimasut naalagaaffeqatigiit atisaannik atisallit ataatsimiittarfiup silataani.
