"Kalaaliungaarama" – ataatsimoorfeqarneq nukittorsassavaa
- Nunarput nunarsuup sinneranit ukkanneqaleruttorpoq, tamatumalu kinaassusivitsinnik
takutitsinissatsinnut periarfissippaatigullusooq – namminerpiaq takutitserusunnitsitut.
Ulluinnatsinni pisartut sunniuteqartartut naleqartitattalu uatsinnik ataatsimoorsitsisut
avitseqatigiissutiginerisigut, nunatsinni ataatsimoorfeqarnerput nukittorsarlugulu Nunatsinni
inuunerup piviusuusup qanoq issusia nunarsuatta sinneranut takutissinnaavarput, Visit Greenland tusagassiuutitigut nalunaaruteqarluni allappoq.
Visit Greenland starter en ny trend, "Kalaaliungaarama" for at styrke fællesskabet.
Leiff Josefsen
Inuit nittartakkakkut attaveqatigiittarfii ammaraanni "kalaaliungaarama"-mik videoliat arajutsineqarsinnaagunanngillat.
- Piffissamimi matumani inuit attaveqatigiittarfiini "Kalaaliungaarama" takussaaleqqavoq. Nunatsinni ulluinnaat inuunerlu pillugit assigiinngitsunik oqariartuuteqartoqartartussaammat –
ileqqutoqqaninngaanniik quiagisartakkatsinnut, oqaatsigullu atorlugit tupigutsaataasinnaasut
ulluinnarnilu minnerpaannguanut pilluaatigisartakkatsinnut tunngasut
saqqummiussuunneqartussaallutik.
Katersuuffigisartakkattalu takutinnerisig
ataatsimoorfeqarnermik nukittorsaaginnarnata, uppernassusilimmilli Nunarput
najugaqarfiginissaanut angalaffiginissaanullu suut immikkuullarequtaanersut nunarsuup sinneranut paasisimasaqalersitsiffiussapput. Amerlanerusut oqaloqataanermut peqataanissaannik kajumissaarutitut, oqaluttuat tamarmik apeqqummik "Illimmi?"-mik
naggaserneqartassapput.
- Takornariartitsineq tassaaginnanngilaq sumiiffinni takornariagassaqartitsineq
takornariartitsineq aammattaaq inunnut naapeqatigiisitsisarnitsinnullu tunngalluinnarpoq.
'Kalaaliungaarama' kikkuunitsinnik uatsinnullu sunik isumaqartitaqarnitsinnik
takutitseriaaseraarput. Tamannalu Nunatsinniit piviusumik paasisimasaqalersitsissaaq –
ilisimasaqarnerpaanik oqaluttuarineqarluni.” Visit Greenlandimi pisortaq Anne Nivíka Grødem
taama oqarpoq.
Kikkulluunniit peqataasinnaapput
- Nammineerlutit oqaluttuat #kalaaliungaarama
hashtaggerlugu siammarteruk, taamaalilluta immitsinnut aammali Kalaallit Nunaannut
misigisassarsioriarusuttartut pillugit - katersuuffigisartakkattatsinnik ukkassilernissaq ataatsimoorutissavarput, Visit Greenland naggasiilluni allappoq.
