Kalaallit atuakkiortut Parisimi unnussiuaartitsissapput

Kalaallit Atuakkiortut Peqatigiiffiat, KA-GreenLit, Parisimi danskit illuutaanni kalaallit atuakkiaat pillugit sisamanngornermi apriilip qulingani unnussiuaartitsissaaq. Aqqaluk Lynge, Katti Frederiksen aamma Jessie Kleemann franskisut nutserneqartunik saqqummiussissapput. Peqatigiiffik Sermitsiamut taama ilisimatitsivoq.

Parisimut tikeraarneq nunani allani atuakkanik saqqummersitsisartunut attaveqarnermik pitsanngorsaataassaaq. Politikikkut pisut kingulliit pissutaallutik franskit Kalaallit Nunaannik soqutiginninnerulersimasut peqatigiiffik paasissutissiivoq.

- KA-GreenLit kalaallit atuakkiaannik allamiut oqaasiinik nutserisitsinissamut aningaasaateqarfeqalernitta kingorna soqutiginnittoqarnerulerneranik kinguneqassasoq ilimagaara, Juaaka Lyberth oqarpoq.

Unnussiuaartitsereernerup kingorna kalaallit peqataatinneqartut Festival du Livre de Parisimi, franskit atuakkiortunik pikialaartitsineranut, peqataassapput. Peqatigiiffik siorna aamma tassunga peqataavoq.

Parisimut tikeraarneq tips- og lottomit aningaasaliiffigineqarpoq, kalaallillu atuakkiaat pillugit unnussiaartitsineq Danmarkimi aallartitaqarfik suleqatigalugu piviusunngortinneqarluni.