Inatsisartut akuersisut: Takornariat pisttuarsinnaanermut allagartaqassapput

Hanna Hviid
efterårssamlingen2026

Inatsisartut takornariaqarnermut inatsimmi allannguutit marlunngornermi novembarip 17-iani suliaraat.

Allannguutit malillugit takornariat nunanit allaneersut sumiiffinni aalajangersimasuni angalasinnaajumallutik angalanissamut akuersissummik, angalanermut annaassiniarnermullu sillimmasiissutinik pigisaqartariaqartut kommunit piumasarisinnaavaat.

Aammattaaq takornariartitsisartunut sumi najugaqarnissamut piumasaqaatit 2024-mi atuutsinneqalersut malissinnaajumallugit piffissaq akuersissummik atuiffiusoq allanngortinneqarpoq.

Nunaqavissut piginneqataanerat takornariartitsinermillu ineriartortitsineq oqimaaqatigiittariaqarput. Taamaammat immikkut ittumik pisoqartillugu ukiuni marlunni ataasiarluni ukiunut marlunnut sivitsuinissamut qinnuteqartoqarsinnaanngussaaq.

Assersuutigalugu sumiiffinni takornariartitsisarfiunngitsuni imaluunniit takornarianik sullissisut amerlassusii killeqartillugit takornariaqarnermik suliaqarnissamik pisariaqartitsineq matussuserneqarsinnaanngitsumiittut qinnuteqarsinnaapput.

Aamma Naalakkersuisut immikkut akuersissuteqarsinnaallutillu takornariartitsisartut uumasunik nujuartanik, soorlu nannunik, takornariartitsisinnaanissaannik malittarisassaliorsinnaalissapput.

Inatsisartut allannguutit isumaqatigiillutik akueraat.

Sisimiut Kangerlussuullu akornanni pisuttuartartut aqqutaasa ilaat Arctic Circle Trail ilaannikkut kukkusumik malinneqartarpoq.
Powered by Labrador CMS