Innarluutillit pillugit inatsit isumaqatigiilluni akuerineqarpoq – kommunit suliassaqarnerulerput

Hanna Hviid
efterårssamlingen2026

Inuit innarluutillit ikiorserneqarnissaannut inatsisissatut siunnersuut marlunngornermi Inatsisartuni novembarip 17-ianni pingajussaaneerneqarpoq.

Naak kommuninit ernumagineqaraluartoq, Inatsisartut isumaqatigiittut inatsit akuersissutigivaat.

Inatsit nutaaq ilaatigut tapersersorneqarnissamut periarfissanik nutaanik, sulianik pitsaanerusumik ingerlatsinermik, pinaveersaartitsinermik, qanigisanik isumassuinissamik, inuusuttuunermiit inersimasunngornermut ingerlalluarnerulernermik tikeraarneqarsinnaanermillu pisinnaatitaaffinnik annertunerusunik imaqarpoq.

Suliassaqarfiit kommunit akisussaaffigaat. Naalakkersuisut missingiussaannit aningaasartuutaanerunissaa ernummatigalugulu tusarniaanermi akissutini siunnersuutip aningaasalersorneqarnissaa ernummatigaat.

Peqqissutsimut Innarluutilinnut Naalakkersuisoq Anna Wangenheim (D) naapertorlugu innarluutillit aningaasatigut qanoq atugaqartiginissaat nalornissutigineqarpoq, tamannalu paasissutissanik amigaateqarnermik pissuteqartoq.

Suleqatigiisitaq paasissutissat tunngaviusut pitsanngorsarneqarnissaat siunertaralugu pilersinneqassaaq, suleqatigiisitallu inatsisissatut siunnersuutip kinguneri qanimut malinnaaffigissavai.

Powered by Labrador CMS