Air Greenlandip sumiiffiit ilaanni bilitsinik tuniniaaneq unitsippaa
Anorersuaqattaarnerata timmisartuussinissanut ajornartorsiortitsinera pissutigalugit Air Greenlandip Kujataanut Tunumullu bilitsinik tuniniaaneq unitsikkallarpaa.
Anorersuarnerata kingunerisaanik Kujataani Tunumilu timmisartuussinerit piffissami sivisuumi taamaatiinnarneqaqattaarput, Air Greenland sapaatiummat ilisimatitsivoq.
Assi: Emil Nørgaard Stach
Air Greenlandip sila pissutigalugu sapaatiummat timmisartuussinissat arlallit taamaatiinnartariaqarsimavai.
Timmisartortitseqatigiiffik naapertorlugu taamaatitsinerit piffissami sivisuumi sila pissutaalluni unammilligassaqartitsipput, angalasorpassuillu pingaartumik Kujataani Tunumilu kinguaattoorsimapput.
Sapaatip akunnerani tulliuttumi pisussat aarlerinarsiartormata takuneqarsinnaallunilu sapaatit akunnerani sila suli unerisimassanngimmat sumiiffiit ilaanni bilitsinik tuniniaaneq unitsinniarlugu Air Greenland Facebookimi allappoq:
- Angalaniartut amerliartuinnarput timminissallu taamaatittartut amerliartortillugit amerliartorlutik.
- Pilersaarutaasutut ullut tamaasa pilersaarutaasumik immikkkullu ittumik timminissat ingerlassinnaajumallugit kujataaniit Tunumillu bilitsinik tuniniaaneq matugallartariaqarparput, timmisartuutileqatigiiffik allappoq, taakku qanoq sivisutigisumik bilitseerniarneq uninngatissanerlugu suli paasissutissiissutigisinnaanngilaat.
Timmisartuussinissat sapaatiummat taamaatiinnarneqartut tassaapput Ilulissanut Ilulissaniillu Dash-8-p timminissaat marlussuit, anorimik peqquteqartumik taamaatinneqarput
Qeqertarsuami Uummannamilu qulimiguulimmik timmisartut arlaqartut aamma napparsimasunik timmisartuussinerit pingasut taamaatinneqartut Air Greenlandip aamma paasissutissiissutigaa.
Air Greenlandip pisut pillugit nalunaarutaa uani atuarsinnaavat:
