Nunani allani politikkikkut pissutsit ilungersunarsiartornerat pissutigalugu danskit naalakkersuisuisa illersornissamut akiuussinnaanerulernissaa anguniarlugu, aningaasaateqarfik 50 milliardit koruuninik aningaasartalik pilersinneqassasoq siunnersuutigaat.
Tamatuma saniatigut aaqqissuussaanikkut naleqqussaanerit arlallit, aalajangiinerit sukkanerusumik suliarineqarsinnaaniassammata, illersornissamullu tunngasunik aqutsisut akisussaaffii erseqqinnerulerniassammata suliarineqarput.
Nunani allani politikkikkut pissutsit ilungersunarsiartornerat pissutigalugu danskit naalakkersuisuisa illersornissamut akiuussinnaanerulernissaa anguniarlugu, aningaasaateqarfik 50 milliardit koruuninik aningaasartalik pilersinneqassasoq siunnersuutigaat.
Tamatuma saniatigut aaqqissuussaanikkut naleqqussaanerit arlallit, aalajangiinerit sukkanerusumik suliarineqarsinnaaniassammata, illersornissamullu tunngasunik aqutsisut akisussaaffii erseqqinnerulerniassammata suliarineqarput.
Ruslandimit aarlerinartorsiorneq
USA akuliutinngippat ukiualuit qaangiuppata Rusland Østersømi NATO-mi nunanut ataasiakkaanut arlalinnulluunniit ulorianartorsiortitsilersinnaaneranik Illersornissaqarfiup isertortumik paasiniaasartuisa (FE) naliliinerata kingorna aningaasaateqarfiup sukkanersumik sulisoqarnissaanik siunertaqartup siunnersuutigineqarnera pivoq.
Aningaasat aningaasaateqarfimmiittut ilaat Kalaallit Nunaanni aningaasaliinernut atorneqarsinnaasut Inuit Ataqatigiit sinnerlugit Folketingimut ilaasortaq Aaja Chemnitz, tusagassiortunik katersortitsinerit sioqqullugu ministeriunermik Mette Frederiksenimik ataatsimeeqateqarnissaminut qaaqquneqarsimasoq, neriorsuivoq.
– Issittoq aningaasaateqarfimmi nutaami aamma ilaassasoq ataatsimiinnermi paasitinneqarpugut. 50 milliardit koruunit pineqarput, taakkunannga 25 milliardit koruunit ukioq manna atorneqartussaallutik. Aningaasarpassuupput sukkasuumik atorneqartussat. Isumaqatiginninniarnernut sapaatiummat naammassineqartunut qaaqquneqannginnatta Issittumi suliniutit tulleriiaarnissaannut siunnersuutinik illersornissamut oqaaseqartartunut illersornissamut ministeriaqarfimmilu sulisunut mailikkut nassiussivunga, Aaja Chemnitz oqarpoq.
– Atortorissaarutit illersornissaqarfimmit atorneqaannaratik allanut aamma atorneqarsinnaanera Kalaallit Nunaannut pingaaruteqarpoq, Aaja Chemnitz oqarpoq, taanna Issittumut tunngatillugu pingaarnersiuinissaq pillugu illersornissamut oqaaseqartartunut illersornissamullu ministereqarfimmut siunnersuuteqarpoq.
Assi: Trine Juncher Jørgensen
Dronet timmisartukkullu alapernaarsuineq
Aaja Chemnitz naapertorlugu illersornissaqarfiup Issittumi droninik atorneqartussanik pisineq, Issittumut piginnaasanik annertusaanermi isumaqatigiissutigineqareersumi, tuaviuuttariaqarpaa.
– Dronit atorluarneqarsinnaalernissaat ukiut arfineq-pingasut qulingiluat qaangiuppata aatsaat piviusunngortinneqassaaq, naak isumaqatigiissut siulleq atsiorneqareeraluartoq. Taamaattumik dronenik pisineq tuaviuunneqarsinnaanersoq imaluunniit attartortoqarsinnaanersoq apeqqutigineqarsinnaavoq. Taassuma saniatigut Air Greenland nakkutilliinermut suleqataalersinneratigut nunaqavissut timmisartukkut nakkutilliinermut peqataatinnissaanut tunngatillugu angusaqarluartoqarsinnaasoq isumaqarpoq. Aamma qulimiguulinnut ujaasinermut annaassiniarnermullu atortorissaarutit FLIR NVG-llu aamma pingaarnersiorneqartariaqarpoq. Atortorissaarutit illersornissaqarfimmit atorneqaannaratik allanut aamma atorneqarsinnaanera Kalaallit Nunaannut pingaaruteqarpoq, Aaja Chemnitz oqarpoq.
Sukkanerusumik tunniussineq
Aningaasat taakkua ilaat Kalaallit Nunaanni aningaasaliinernut atorneqarsinnaasut illersornissamut ministerip Troels Lund Poulsenip Sermitsiamut aamma oqaatigaa.
– Aalajangereernikuusatta ilaat sukkanerusumik pissarsiariniarsinnaagigut isumaqarpunga. Assersuutigalugu dronit, Issittumi piginnaasanik annertusaanissaq pillugu isumaqatigiissummut nutaamut ilaasut, sukkanerusumik pissarsiarineqarsinnaapput.
Naalakkersuisut pisiortornermut sukkanerusumik ingerlatsinissamut peqataatitsinneqarnerat eqqarsaatigalugu Kalaallit Nunaanni Savalimmiunilu naalakkersuisut oqaloqatigiuarlugit Troels Lund Poulsen oqarpoq.
- Taamatullu oqaloqatigiuassavakka soorunami pissutsit qanoq innerat malinnaaviginiassammassuk.
