Ivana Nikoline Brønlundip arnaatalu Gitte Brønlundip
Høje-Taastrup kommune Aviaja-Luunap pinngitsaaliissummik
arsaarinnissutaasimanera pillugu ataasinngornermi ataatsimeeqatigaat.
Kommunili inatsimmik unioqqutitsillunilu
kukkuluttorsimagaluartoq Aviaja-Luuna suli pinngitsaaliissummik
arsaarinnissutaaqqavoq, Ivana Nikoline Brønlundillu panini ullut 14-ikkaarlugit
nalunaaquttap-akunnerini marlunni nakkutigineqarluni taamaallaat ilagisinnaavaa.
Ivana Nikoline Brønlundip arnaatalu Gitte Brønlundip
Høje-Taastrup kommune Aviaja-Luunap pinngitsaaliissummik
arsaarinnissutaasimanera pillugu ataasinngornermi ataatsimeeqatigaat.
Kommunili inatsimmik unioqqutitsillunilu
kukkuluttorsimagaluartoq Aviaja-Luuna suli pinngitsaaliissummik
arsaarinnissutaaqqavoq, Ivana Nikoline Brønlundillu panini ullut 14-ikkaarlugit
nalunaaquttap-akunnerini marlunni nakkutigineqarluni taamaallaat ilagisinnaavaa.
– Marlunngornermi nalunaaquttap-akunnerini marlunni najorpara,
eqqissisimasumillu ingerlavoq. Videoliarinissaanut assilinissaanullu
periarfissinneqarpunga, kissumiarlugulu, Ivana Nikoline Brønlund oqaluttuarpoq
nangillunilu:
– Paniga ersiortissagiga kommuni isumaqarmat pulaarnera
nakkutigineqartariaqartoq kommuni isumaqarpoq. Meeraaninni pisunit
kingunerluutikka pissutigalugit angerlartinnissaa eqqarsaatiginagu aamma
uppernarsarpaat. Pisunilli kingunerluuteqarnera Aviaja-Luunamik
isumaginnissinnaannginninnik isumaqanngilaq. Tarnikkut napparsimasuunngilanga,
ikiaroornartunik atornerluisuunangalu imerajuttuunngilanga. Qitornannut
asasannut ulorianartuunngilanga. Ulluinnarni ingerlalluarpunga panigalu
isumagisinnaavara. Taamatut isigisaanera inuppalaanngilaq, Ivana Nikoline
Brønlund oqarpoq.
Suliami allanngortoqanngitsoq
Gittep Ivanallu oqaaserisimasatik tusarnaarneqarlutillu akuersaarneqartut
ataatsimiinnermi kingullermi misigaat, tamannali kommunip suliamut panianillu
pinngitsaaliissummik arsaarinninnermut tunngatillugu isiginnittaasianut
allannguutaasimanngilaq.
– Angajoqqaat piginnaaneri pillugit tarnip pissusiinik
misissuinermit paasissutissat inissiinermut tunngaviusunut ilaanngitsutut
kommunip oqaatigigaluarlugit suli atortarai tunngavilersuutiminullu
ilannguttarai ataatsimiinnermi kingullermi misigaarput. Tarnip pissusiinik
misissuinermit paasissutissat atorneqassanngitsut arlaleriarluta kommunimut
erseqqissaatigisimavarput, tamannali kinguneqarnanilu allannguinngilaq, Gitte
Brønlund oqarpoq.
Inuppalaarnanilu naapertuilluanngitsoq
Ivana Nikoline Brønlund ima nangippoq:
- Kommunimi kukkusoqaraangat inatsimmillu
unioqqutitsigaangat susoqartannginnera uumigisorujussuuara. Inuppalaarnanilu
naapertuilluanngilaq, innuttaasutullu pinerluuteqarsimasumiit
pisinnaatitaaffikinneruneq assut ernumanarpoq.
– Tapersersorneqangaartarnerali qujamasuutigeqaara. Tamanna
neriuuteqalersitsillunilu akiuutiinnarnissamut nakussassaataavoq. Suliami
kisimiinngilanga, Ivana Nikoline Brøndlund oqarpoq.
Suliaq septembarip 16-iani Danmarkimi
naammagittaalliuuteqartarfimmi suliarineqassaaq.
