Qupanuk
Olsen Naleraq tunuliaqutaralugu Inatsisartunut kingullermik qineqqusaartoqaleruttornerani
Sverige aviisit ilaata Dagens Nyheterip »2035 är Grönland självständigt, og
jag dess förste president«-imik (»Kalaallit Nunaat 2035-mi namminiilivissaaq,
uanga siullerpaatut præsidentiuffigisannik«, aaqq.) qulequtserlugu
februaarimi allaatigaa.
Qupanuk Olsenip qulequtsiussaq taanna uissuumminartuusoq 202-nik taaguunneqarluni Inatsisartunut
qinigaanerminiit ukiup affaa qaangiuttoq illaatigaa.
Qupanuk
Olsen Naleraq tunuliaqutaralugu Inatsisartunut kingullermik qineqqusaartoqaleruttornerani
Sverige aviisit ilaata Dagens Nyheterip »2035 är Grönland självständigt, og
jag dess förste president«-imik (»Kalaallit Nunaat 2035-mi namminiilivissaaq,
uanga siullerpaatut præsidentiuffigisannik«, aaqq.) qulequtserlugu
februaarimi allaatigaa.
Qupanuk Olsenip qulequtsiussaq taanna uissuumminartuusoq 202-nik taaguunneqarluni Inatsisartunut
qinigaanerminiit ukiup affaa qaangiuttoq illaatigaa.
– Anguniakkama ingammik nunatsinnut attuumassutillit suuneri
miserratiginngilakka. Nunatta 2035-mi namminiilivinnissaa anguniagaraara, ukiulli
qulit qaangiuppata naalagaaffinngorutta kina siuttuussanersoq qinersisartut
namminneq aalajangigassaraat, Qupanuk Olsen Sermitsiamut oqarpoq.
Naleqqap namminiilivinnissamik aalajangiusimalluinnarluni anguniagaqarnera
Qupanuk Olsenip partii taannarpiaq tunuliaqutaralugu Inatsisartunut marsimi
qinigassanngortinniarluni aalajangerneranut pissutaalluinnarpoq.
Nunap kimmut sanilitta nunatsinnik tiguaaniarluni sioorasaarinera sapinngisamik
siammasissunik naalakkersuisoqatigiinik pilersitsisoqarnissaata qineqqusaarutigineqarneranut
pissutaavoq. Tamannali ilisimaneqartutuut Naleqqakkut peqataaffiginngisaannik
partiit sisamat naalakkersuisoqatigiilernerannik kinguneqarpoq.
– Namminersorneq pillugu inatsimmi § 21-p pilersinneqarnissaata
naalakkersuisoqatigiit isumaqatigiissutaannut ilanngunneqarnissaa
piumasaraarput. Qinersinermi partii ajugaasoq, tassa Demokraatit,
taamaaliorumanngilaq, taamaammallu Naleraq naalakkersuisoqatigiinnissamut
isumaqatigiinniarnermit anivoq, Qupanuk Olsen oqarpoq. Tuaviupilunnatami naalagaaffinngornissarput anguniassagipput, Demokraatit siulittaasuata
Naalakkersuisunut aamma siulittaasuusup Jens-Frederik Nielsenip kissaatigaa.
– Tamannali namminiilivinnissatsinnut kingumut alloriarnertut
oqaatigineqarsinnaavoq. Aap tassa, naalakkersuisoqatigiit § 21-p pilersinneqarnissaata
isumaqatigiissumminnut ilanngunnissaanut sapiunnerat pakatsissutigaara, partiilli
allat sapiissusikinnerisa namminiilivinnissatta sulissutiginissaanut
sukataarneruleriaannarsippaannga, Qupanuk Olsen oqarpoq.
Ingammik Inuit Ataqatigiit aamma Siumut, namminiilivinnissamut qinigaaffinni
kingullerni oqallinnerni tapersersuisuunerartarsimasut, pakatsiffigai.
– Partiit marluk taakkua ilumoorutinngiivillugu qineqqusaarutiginiaannarluguli namminiilivinnissamut
tapersersuunerartarput. Tapersersortiminnut iluareqqusaarniaannarlutik
namminiilivinnissamut tapersersuinerartarput, naalakkersuisoqatigiilli ukiup
affanngulersumi nipaqanngilluinnarput, Qupanuk Olsen oqarpoq.
Amerikamiunit tapersersuisunit attavigineqartartoq
Amerikap præsidentia nunarput tiguarniarlugu aammaarluni sioorasaarutigaa,
pisariaqassappallu sakkutuulersornikkut taamaaliornissi mattunnagu.
– Tusarakku quarsaarpunga, Donald Trumpilli 2029-mi januaarip tungaanut
aappassaanik præsidentioreernermi kingorna qinigaaqqissinnaajunnaartussaanera
tuppallersaatigisarpar, Qupanuk Olsen oqarpoq.
Naleraq nunamik kimmut sanilitsinnik nuannaartorinninnini pillugu
isornartorsiorneqartarpoq.
– Naagga, nunarput USA-mi 51-issaattut naalagaaffinngussanngilaq,
namminiilivissimasutulli FN-imi 194-issaattut naalagaaffinngussaaq. Amerikamiut
nunatsinnik soqutiginninnerat nunatta ilimagisatsinniit allallu ilimagisaanniit
naleqarnerujussuuneranik ersersitsisuuvoq, tamannalu namminiilivinnissatta
sulissutigiinnarnissaanut atorluassavarput, Qupanuk Olsen oqarpoq.
Taanna nunatsinni nittartakkakkut attaveqaatitigut Q’s Greenland aqqutigalugu siammarterisartutut
ilisimaarineqarnerpaavoq, USA-miillu malinnaasorpassuaqarluni.
– Amerikamiunik Q’s Greenlandimut allattorpassuaqartarpoq, taakkualu
ilarpassuisa Donald Trumpip iliuusii ajuusaarutiginerartarpaat. Amerikamiut
ilarpassuisa nunatta USA-p naalagaaffiattut ilanngunneqarnissaanut
akerliullutik nunatta namminiilivinnissaanut tapersersuinerat
tupallersaatigaara, Qupanuk Olsen oqarpoq.
Nunattali inui tamatumunnga tunngatillugu eqqissisimanngitsortaqarput.
– Utoqqartatta ilaasa tamatumunnga tunngatillugu siooranerat ilaatigut
1960-ikkunni 1970-ikkunnilu qallunaanngorsagaanermik nalaataqarmisulli
amerikamiunngorsagaasoqarnissaa annilaangateqarnerannik pissuteqarpoq. Ilimaginngilarali
nunasiaataaqqilerumaartugut; nunanimi tamalaani allani inuiaqatigiit nunatta
namminiilivinnissaanut tapersersuisorujussuupput,
