Arpattartut 20.000-ingajaat maratonimut 42,2 kilometerinik takissusilimmut
peqataaniassammata Københavnimi aqquserngit sapaammi maajip 11-anni
matuneqarput. – Arpaffissaq akunnerit pingasut minutsillu 57-it atorlugit arpaffigaara.
Misigisaq nuannerluinnarpoq, silagippoq, kiappallaarnani, sumiiffiit ilaanni
anorsaalaarluni, ilaannikkullu nuiaqalaartarpoq, Gitte Hansen Drachmann
oqaluttuarpoq, taannalu Københavnimi aappassaanik maratonerpoq, qaammatilli
ataatsip matuma siorna Uummannami Ice Marathonimi peqataallunilu katillugit
arfineq-marloriarluni maratonernikuuvoq.
Arpattartut 20.000-ingajaat maratonimut 42,2 kilometerinik takissusilimmut
peqataaniassammata Københavnimi aqquserngit sapaammi maajip 11-anni
matuneqarput. – Arpaffissaq akunnerit pingasut minutsillu 57-it atorlugit arpaffigaara.
Misigisaq nuannerluinnarpoq, silagippoq, kiappallaarnani, sumiiffiit ilaanni
anorsaalaarluni, ilaannikkullu nuiaqalaartarpoq, Gitte Hansen Drachmann
oqaluttuarpoq, taannalu Københavnimi aappassaanik maratonerpoq, qaammatilli
ataatsip matuma siorna Uummannami Ice Marathonimi peqataallunilu katillugit
arfineq-marloriarluni maratonernikuuvoq.
Sikoqarlunilu aputilimmiit seqinnarissumut
Arpattartoqataata Lars Petersenip aamma 14-issaanik maratonernini
naammagisimaarluinnarpaa, taassumalu arpaffissaq nalunaaquttap akunnerini
pingasuni minutsinilu 51-ini arpappaa. Gitte Hansen Drachmannituut qaammatip
ataatsip matuma siorna Uummannami Ice Marathonimut aamma peqataavoq.
– Tamakkiisumik isigissagaanni piffissaq arpaffigisara naammagisimaarpara.
Aqqutaa tamarmi nuannersumik misigisaqarfiuvoq, silageqaarlu. Maani Nuummi
sikumi apummilu quaannaveeqquserluni, nasarluni aaqqaserlunilu kiisalu
gamachialerluni arpannermit allaanerulluinnarpoq.
Imminnut kajumissaartartut
Gitte Hansen Drachmannip Lars Petersenillu Runderful Nuuk-mi
sungiusaqataasarnertik nuannaraat.
– Silarlunnerani arpannissamut piumassuseqarnerulersitsisarpoq, Lars
Pedersen oqarpoq.
Gitte Hansen Drachmann nangippoq:
– Nuummi arpannermik sungiusarnissamut periarfissagissaarpoq. Uanga
nammineq ukioq naallugu arpattarpunga. Silagikkaangat sukkasuumik
arpattarpugut. Quasakkaangat quaannaveeqquteqartarpugut. Nilleraangat
oqorsaateqarlutalu arriinnerusumik arpattarpugut. Arpattartoqatigiinni
kajumissaaqatigiilluartarpugut, taamaalilluta sila ajoraluartoq aamma
arpattarpugut. Tamanna aamma arpattartut aqqusinermi takussaanerulernerannut
pissutaagunarpoq, Gitte Hansen Drachmann oqarpoq, taannalu juunip arfernani
arfineq-aappaanilu arpattartoqatigiinniit allat peqatigalugit Islandimi
arpannermut Hengill Ultramut peqataassaaq. 53 kilometerisut takitigaaq — qaqqami innermik
anitsisartumi.
Illersornissaqarfimmiit sakkutuut Siriusimiit qimussimik
alapernaarsuiartortussat, qimussimik 42,2 kilometerit kalittut arpattut 20.000-it ilagaat.
Illersornissaqarfimmi Siriusimiit qimussimik alapernaarsuiartortussat aamma Copenhagen Marathonimi peqataapput. Taakku qimusseq 42,2 kilometerini kalikkamikku akunnerit sisamat missaat ingerlareersut apuupput.
Assi: Claus Bech/Scanpix
