Uummannami qamuteralammik sikukkut nakkartoqarsimaneranik nalunaartoqarnerata Kalaallit Nunaanni Politiit ikioqqupput

Uummannami sisamanngornermi unnukkut nalunaaqutaq 20.30, qamuteralammik sikukkut nakkartoqarsimaneranik nalunaartoqarnerata kingorna, politiit, qatserisartut, inuttaasullu sikumi ujaasinermik aallartitsipput. Ujaasinerli kinguneqanngitsoq, Kalaallit Nunaanni Politiit nalunaarput.

Arkivfoto/Mediehuset Sermitsiaq

Tôrtia Reimer-Johansen Tôrtia Reimer-Johansen Tôrtia Reimer-Johansen Journalist

Offentliggjort fredag 18. apr 2025 08:28

Annonse

Uummannami sikukkut qamuteralannik nakkartoqarsimasinnaanissaanik nalunaartoqarnerata kingorna ujaasisoqarpoq.

Kalaallit Nunaata Politiivili nalunaarput ujaasineq suli kinguneqarsimanngitsoq, tassa inummik maqaasineqartumik suli saaffiginnittoqanngitsoq:

- Taamaattumik Uummannami Politiit, Uummannami, uummannallu nunaqarfiini innuttaasunut kaammattuipput, inummik qamuteralassimasumik maqaasisaqarunik imaluunniit nalunngisaqarunik angerlanngitsoorsimasumik, politiit pigaartuisa oqarasuaataannut 701448-mut nalunaaqqullugit, Kalaallit Nunaanni Politiit Facebookikkut allapput.