Arctic Circle Race: Peqataasussat 229-it piareerput

Nammineq kajumissutsimminnik suliaqartut Arctic Circle Race aallartinnissaanut inissitassat kingulliit ulapputigaat.

Inississaqqaarpulli, nalinginnaavorlu inisitassat kingulliit piffissami kingullermi inissittarnerat.

Arctic Circle Racemi siulersuisuni siulittaasoq, Jens Klaus Lennert Sermitsiamut oqarpoq inissitassat kingulliit eqqissillutik ulapputigalugit.

- Naamik, suli piariigassaqarpugut. Inissitassat kingulliit inissinniarlugit ulappuppugut, aamma tamanna nalinginnaavoq. Peqataasussat ilaasa ingerlaarfissartik 100 km imaluunniit 160 km allanngortittarpaat. Ilaalu ajoqusersimanertik pillugu unitsitsiinnarlutik nalunaartarlutik.

Soqutigineqarluartoq

Arctic Circle Racemut peqataaniarlutik soqutiginnittut siornamut sanilliullugit amerlanerupput. Siornami 181-it peqataapput, ukioq mannalu peqataaniarlutik nalunaartut 229-upput.

Sillimaniarneq eqqarsaatigalugu peqataasut 230-mut killilerpaat.

- Nunanit allanit peqataaniarlutik nalunaartoqaraluarpoq, kisianni inissaq timmisartornissarlu aporfiugamik, Lennert oqarpoq.

På grund af sikkerhedsmæssige hensyn har arrangørerne sat deltagergrænsen ved 230.

Ikiuuttussat unnugu aallassapput

Peqataasussat aqagumut piareersarneranni ikiuuttussat unnugu aallassapput. Taakku campimukarlutik unnuiartussapput, taamaalillutik unammisut apuunnissaanut suna tamarmi piareereersimassalluni.

Arctic Circle Race nunarsuami ujakkaarluni unammersuarneq sakkortunerit ilaanniippoq. Naak unammersuarneq pikkunarsinnaagaluartoq peqataasut misigisassaat ataaseq qularnanngilaq - Kalaallit Nunaata kusanassusersua.

Peqataasut ulluni pingasuni unammereerunik sapaatiuppat tikerassapput. Taamaalilluni kina ajugaassanersoq sapaatiuppat paasinarsissaaq.