ISLAND GAMES
Sungiusaasunngortup arpattartut inerisassavai
Timersoqatigiit Kattuffiata Karl Peter Kristensen Qeqertarmiut unammisartuinut ataqtigiissaarisutut sungiusaasutullu atorfinitsippaa.
Arpattartut sungiusaasortaarput ulluinnarnilu sungiusarnerminni siunnersorneqarsinnaalerlutik. 2025-mi Orkneymi Island Gamesertoqarnissaanut kalaallit arpattartut arfineq-pingasut peqataatinnissaat pilersaarutaavoq.
Leiff Josefsen
Sungiusaasunngortup Qeqertarmiut atletikimi unammisartui sungiusaaneq piareersaanerlu ingerlattussanngorpai. Naatsorsuutigineqarpoq 2025-mi Orkneyimi Qeqertarmiut unammisaqattaarnissaannut kalaallit arfineq-pingasut peqataanissaat.
- Kalaallit Nunaat kingullermik arfinilinnik peqataatitaqarsimavoq, tamakkulu aallaavigalugit Karl Peter Kristensenip Kalaallit Nunaanni arpannerup silarsuaani timersornerup ineriartortinnissaa neriuutigaa, arpattartullu takissutsinik 3.000 meterinik, 5.000 meterinik aammalu 10.000 meterinik aammalu halvmaratonimik arpattartut, Facebookimi gruppeq ”Island Games atletik 2025” aqqutigalugu Karl Peter Kristensenip attaveqaqquai, timersoqatigiit kattuffiat tusagassiorfinnut nalunaaruteqarluni allappoq.
Sungiusarnermi siunnersuutit
Sungiusaasunngortup unammisartut ulluinnarni sungiusarneranni siunnersuisassaaq, misilittagartuninilu pissutigalugit aamma pinertusaassalluni.
Karl Peter Kristensen misigivoq arpanneq ineriartorteqqissinnaallugulu ingerlariarteqqissinnaalluarlugu ,oqarporlu:
- Kalaallit Nunaata 2025imi Qeqertarmiut unammisaqattaarnissaanni sinniisooqataaffiginissaanut qilanaarpunga, taamatuttaaq pilersaarusiorlungalu sungiusarnerit ingerlanneqarnissaannut peqataasussanillu toqqaanissannut qilanaarpunga.
