Nalunaaquttap
nikinnerata kinguneri ajortut inuit attaveqaqatigiittarfiini
tusarsaasorujussuupput, kingunerilli ajunngitsut qanoq ippat? Sungiusaasut
marluk Nuummiittut piffissap nikinnera iluaraat, timersornerulersimallutillu.
Morten Jørgen Heilmann sikkilernermik ujakkaarnermillu sungiusaasuuvoq,
nalunaaquttallu nikinneranik tapersersuisuuvoq ”ilaqutariittut
piffissaqarnerulernissamik”, tapersersuisimavoq.
- Tamanna sivisuumik sulissutigisimavara, takusinnaagakku
ualikkut qaamaneqarnerusinnaalluta. Aasakkut nalunaaquttap-akunnerini
20-ngajanni qaamasarpoq, piffissallu allanngortinnissaa pisariaqartinnagu.
Isumaqarpunga piffissap allanngortinnissaa pisariaqanngitsoq. Taava
oktobarimiit januaarimut taartoqartarpoq februaarimilu nalunaaquttap akunneri
tallimat affarlu qaamasarluni. Isumaqarpunga ualikkut qaamaneq
pisariaqartinnerugipput, Morten Jørgen Heilmannip oqaatigaa.
Nalunaaquttap
nikinnerata kinguneri ajortut inuit attaveqaqatigiittarfiini
tusarsaasorujussuupput, kingunerilli ajunngitsut qanoq ippat? Sungiusaasut
marluk Nuummiittut piffissap nikinnera iluaraat, timersornerulersimallutillu.
Morten Jørgen Heilmann sikkilernermik ujakkaarnermillu sungiusaasuuvoq,
nalunaaquttallu nikinneranik tapersersuisuuvoq ”ilaqutariittut
piffissaqarnerulernissamik”, tapersersuisimavoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
- Tamanna sivisuumik sulissutigisimavara, takusinnaagakku
ualikkut qaamaneqarnerusinnaalluta. Aasakkut nalunaaquttap-akunnerini
20-ngajanni qaamasarpoq, piffissallu allanngortinnissaa pisariaqartinnagu.
Isumaqarpunga piffissap allanngortinnissaa pisariaqanngitsoq. Taava
oktobarimiit januaarimut taartoqartarpoq februaarimilu nalunaaquttap akunneri
tallimat affarlu qaamasarluni. Isumaqarpunga ualikkut qaamaneq
pisariaqartinnerugipput, Morten Jørgen Heilmannip oqaatigaa.
Nivi
Geisler, Nuummi sisorartartut peqatigiiffianni (NSP-mi) meeqqanut sisoraatinik
oqilaniuttartunut sungiusaasoq, piffissamik nikinneranik iluarinnittut ilagaat.
Nivi inuuvoq eqeersimaartoq silamiinnermik nuannarisalik, ulluinnarnili
allaffimmi sulisarpoq. Nalunaaquttap nikinnerat tassunga nuannersumik
kinguneqarpoq.
-
Iluarpoq ingammik ukiukkut, allaffimmiuulluni illup iluani sulisarluni
qaamanera malunnarpiarneq ajorami. Ukioq manna malunnaqaaq soraarluni sila suli
qaamasoq, soraaraanni suli nukissaqarluarluni iluarusunnarpoq, Nivi Geisler
oqarpoq.
Inersimasut
kisimik piffissap nikinnerata iluaqutissartai maluginngilaat, Morten Jørgen
Heilmannip meeqqanut ajunngitsumik kinguneqartoq aamma maluginiarpaa.
-
Ukioq manna tikillugu meeqqakka atuareerlutik toqqaannartumik angerlartarput
illup iluaniikkiartorlutik. Ukioq manna maluginiarpara atuareeraangamik ukiorlu
tamaat silamiittartut, taamaattumik isersimanerunatik silami
pinnguarnerusarput. Tamanna meeqqanut pingaaruteqartorujussuuvoq, Morten Jørgen
Heilmann oqarpoq.
Nutaarsiassaanngitsoq
Piffissaq
siorna marsimi nikisinneqarpoq, nalunaaqutaq UTC -3-mit UTC -2-mut
allanngortinneqarmat. Piffissalli allanngornera aatsaat siorna oktobarimi
malugineqarsinnaalerpoq, nalunaaqutaq nalinginnaasumik ukiuunerani
utertinneqanngimmat. Nalunaaquttap nikisinneqarnera sioqqullugu seqineq
ulloqeqqata ataatsillu missaani qutsinnerpaasarpoq. Seqerngup maanna
nalunaaqutaq marluk pingasullu missaani qutsinnerpaaffissaminiittarnera
innuttaasut ilaasa isornartorsiorpaa. Tamannali Nivi Geislerimut ajornartorsiutaanngilaq.
- Iluarpoq ingammik ukiukkut, allaffimmiuulluni illup iluani sulisarluni qaamanera malunnarpiarneq ajorami. Ukioq manna malunnaqaaq soraarluni sila suli qaamasoq, soraaraanni suli nukissaqarluarluni iluarusunnarpoq, Nivi Geisler oqarpoq.
Leiff Josefsen
-
Imaanngilaq ullup qeqqanoqqissaaq seqineq qullasinnerpaamiissasoq. Inuit
amerlanerit aamma ullup qeqqanut sulisarput, ullup qeqqa pingaarnerpaaneq
ajorpoq. Ukiuugaluarpalluunniit ullaakkut taartuaannarpoq, nalunaaqutaq
nikinngikkallarmalli, Nivi Geisler oqarpoq.
Atsiornernik katersisoq
Qupanuk
Olsenip nalunaaquttap uterteqqinneqarnissaa anguniarlugu atsiornernik
katersuiniarnera 3108-nik atsiornernik pissarsiffiuvoq. Qitornami meeqqallu
allat unnuakkut qaamavallaarnera pissutigalugu sinissaaruttarnerat
tunngavilersuutaasa ilagaat. Kisianni Nivi Geisler aamma Morten Jørgen Heilmann
naapertorlugit taamaattareerpugut.
-
Qupanuk Olsenip oqariartuutaa meeqqat unnukkut sinissinnaanngitsut
patsisaasinnanngilaq, aasakkut qaamajuaannartumiippugut assigiinnarpaa aamma
upernaakkut ukiakkullu. Meeqqat timertik atorunikku qanorluunniit angerlarunik
nereriarlutik eqqissigunik sinilersinnaapput. Saagunik tarrajussititsisartunik
peqarpoq isinullu assiaquteqarluni. Qaamasalernera atorluarlugu inuit
aneernerulerunik timitik atornerullugit soorunami taava siniliaarsinnaapput,
Nivi Geisler oqarpoq.
Morten
Jørgen Heilmannip Nivi Geisler taperserpaa.
-
Taarsititsisartunik saagulertoqarsinnaavoq. Unnuakkut qaamavallaarnermik
oqalunneq eqqunngitsuliorneruvoq, ukiukkut aasaaneraniluunniit nalunaaqutaq
apeqqutaanani asaaneranimi qaamajuaannarpoq, Morten Jørgen Heilmann oqarpoq.
Piffissap
nikinnerata ajoqutai nutaarsiassatigut internettikkullu
attaveqaqatigiittarfinni eqqartorneqartorujussuuvoq, Nivi Geislerili
isumaqarpoq iluaqutissartai aamma takutinneqartariaqartut.
-
Qanga kalaallit silap qaamanera atorluartarpaat taamaammat nalunaaqutaq
naalagarivallaarnagu silap qaamanerulernera nuannaarutiginiartigu. Allannguineq
ajorisassarsiorfigiinnarnagu aamma ajunngitsutut tiguneqartariaqarpoq, Nivi
Geisler oqarpoq.
Nalunaaquttap nikinnera atorluartigu
Morten
Jørgen Heilmann aamma Nivi Geisler ukiup annersaani timersortuupput. Aput
maajimi aakkiartortillugu Morten Jørgen Heilmann sikkilernermik sungiusarluni
aallartittarpoq, oktobarillu tungaanut sungiusarnini attattarlugu. Oktobarimiit
apriilip tungaanut sisoraatinik oqilaniuttartunik sungiusaasuuvoq.
Silamiittorujussuugami piffissap nikinnerata iluaqutissartai erngertumik
malugaa.
- Ualikkut akunnermik ataatsimik sivisunerusumik seqinnertalernera, ullaap tungaanilu akunnermik ataatsimik taarnerusalernera ajunngilluinnarpoq. Taamaattoqarnerali ajoriffissaqartinngilara, Morten Jørgen Heilmann oqarpoq.
Leiff Josefsen
-
Siornatigutut seqinnertarneratut sungiusarsinnaanerput killeqartarnikuuvoq,
taamaattumik qaammartartumik niaqoruteqartariaqartarnikuuvugut. Ujakkaartartoq
taartumi sungiusarlugulu ilitsersorniarlugu ajornakusoortarpoq,
allanngortittariaqakkallu takujuminaattarlutik. Seqinnertillugu sisoraatinik
oqilaniuttarneq kajuminnarneruvoq piumassuseqarnarnerullunili. Februaarimili
maluginiarparput ualikkut akunnermik ataatsimik sivisunerusumik seqinnertartoq,
kisianni ullaap tungaani akunnermik ataatsimik taarnerusartoq.
Taamaattoqarnerali ajoriffissaqartinngilara, Morten Jørgen Heilmann oqarpoq.
Qupanuk
Olsenip nalunaaquttap uterteqqinneqarnissaanik aasaaneranilu nalunaaqutaq atorunnaarsinneqarnissaa
anguniarlugu atsiornernik katersinikuuvoq. Morten Jørgen Heilmannilli Nivi
Geislerillu tamanna isumaqatiginngilaat.
-
Isumaqatiginngilluinnarpara, nuanneqaaq ukiuunerani ualikkut soraareernermi
meeqqallu soraareerneranni nalunaaquttap akunnerini arlaqanngitsuni qaamanera
atorluarsinnaanera. Taamaalilluta ilaqutariittut qaamaneq
atorluarnerusinnaallugu, silami peqatigiinnikkut timersortarluta.
Silamiittarneq peqqinnarmat, Morten Jørgen Heilmann oqarpoq.
-
Iluaqutai takusinnaavagut, takusinnaanngilara sooq uterteqqinneqassanersoq,
ingammik ukiumi silami timersuutilinnut sunniuteqarluarnikuuvoq. Taakkua aamma
eqqarsaatigineqartariaqarput, nunarput anguniagaqarpoq 2030-mi
aalanerpaanngussasugut. Silami aalanerulissagutta inuit aalasut
amerlanerussappata aamma nalunaaqutaq timersortunut malinnaasariaqarpoq, Nivi
Geisler oqarpoq.