EU-mut assartuineq akisunerulissasoq

ETS-imik tapiliussat, tassa CO2-mut akitsuutit EU-mut akilerneqartartut, marloriaat sinnerlugu qaffassasut Royal Arctic Line nalunaarpoq.

ETS-imut tapiliussaq ullumikkut 1,5 procentiuvoq, marsilli aallaqqaataaniit 3,43 procentimut qaffanneqassaaq.

Uuliap akiata aningaasallu nalingata allanngoriartorneranut tapiliussaq, uuliap akiata aningaasallu nalingata allanngoriartorneranut navianartunut umiarsuaatileqatigiiffiup isumannaarnissaanut atorneqartartoq, allanngortinneqanngilaq marsillu aallaqqaataaniit 11 procentiussaaq, Royal Arctic Line ilisimatitsivoq.

Royal Arctic Line akitsuutinit marlunnit taakkunannga iluanaaruteqanngitsoq umiarsuaatileqatigiiffiup nittartagaani erseqqissarneqarpoq.