EU-mut assartuineq akisunerulissasoq

Royal Arctic Line aqqutigalugu EU-mi nunanut assartuineq marsip aallaqqaataanit akisunerulissaaq.

Royal Arctic Linep marsip aallaqqaataanit ETS-imut tapiliussaq marloriaammik qaffanniarpaa.

Toqqorsivimmiit assi: Jesper Hansen

Jørgen Schultz-Nielsen Jørgen Schultz-Nielsen Tusagassiortoq

Saqqummersinneqarpoq 3. martsi 2025 - 14:51

ETS-imik tapiliussat, tassa CO2-mut akitsuutit EU-mut akilerneqartartut, marloriaat sinnerlugu qaffassasut Royal Arctic Line nalunaarpoq.

ETS-imut tapiliussaq ullumikkut 1,5 procentiuvoq, marsilli aallaqqaataaniit 3,43 procentimut qaffanneqassaaq.

Uuliap akiata aningaasallu nalingata allanngoriartorneranut tapiliussaq, uuliap akiata aningaasallu nalingata allanngoriartorneranut navianartunut umiarsuaatileqatigiiffiup isumannaarnissaanut atorneqartartoq, allanngortinneqanngilaq marsillu aallaqqaataaniit 11 procentiussaaq, Royal Arctic Line ilisimatitsivoq.

Ussassaarut

Royal Arctic Line akitsuutinit marlunnit taakkunannga iluanaaruteqanngitsoq umiarsuaatileqatigiiffiup nittartagaani erseqqissarneqarpoq.