Angallannermut
Aqutsisoqarfiup Nuummi mittarfimmit nunanut allanut ilaasut
isumannaallisaanikkut misissorneqarnerat sapaatip-akunnerani kingullermi
unitsikkallarpaa.
Ilaasut Kangerlussuarmut Narsarsuarmullu
ingerlaartinneqarput, tassani isumannaallisaanikkut misissorneqartussaallutik.
Angallannermut
Aqutsisoqarfiup Nuummi mittarfimmit nunanut allanut ilaasut
isumannaallisaanikkut misissorneqarnerat sapaatip-akunnerani kingullermi
unitsikkallarpaa.
Ilaasut Kangerlussuarmut Narsarsuarmullu
ingerlaartinneqarput, tassani isumannaallisaanikkut misissorneqartussaallutik.
Angallannermut
aqutsisoqarfik naapertorlugu sulisut ilinniartinneqarnerisa ilaat
piumasaqaatinut tamakkiisumik naammassinnissinnaannginnerat pissutigalugu
nunanut allanut angalasut misissorneqartarnerat
taamaatiinnarneqarnerarneqarpoq.
Nuummi
isumannaallisaanikkut nakkutilliisut Danmarkimit sulisut ikiortigalugit
ikiortigalugit sapaatip-akunnerani kingullermi sisamanngormat ammaqqipput,
maannali sulisut ilinniartinneqarsimasut amigaatigineqarneri pissutigalugit
nalunaaquttap-akunneri pingasukkaarlugit misissuisoqartalerpoq. Nuup mittarfiani isumannaallisaanermut akuersissutit pissarsiarinissaat taama
unammillernartiginerat innuttaasut amerlasuut tupigusuutigaat.
Greenland
Airports Facebookimi nalunaaruteqaraangat apeqquterpassuaqalertarpoq.
Kangerlussuarmi Narsarsuarmilu isumannaallisaanermut nakkutilliisut Nuummi
isumannaallisaanermut nakkutilliisut ilinniagaqarsimanerattut
ilinniagaqarsimannginnerpat? Sooruna isumannaallisaanermut akuersissutit
Kangerlussuarmi Narsarsuarmilu pigineqareernikuusut Nuummi
pissarsiarineqarnissaat taama ajornakusoortigisoq?
Tamanna pillugu
Angallannermut Aqutsisoqarfik aamma Greenland Airports aperaagut.
Atortut periaatsillu assigiinngitsut
”Nuummi
isumannaallisaanermi atortorissaarutit periutsillu assersuutigalugu
Kangerlussuarmiit allaanerupput. Atortorissaarutit nutaajunersusut
nutaaliaanerusullu atorneqarput, aamma periutsit piumasaqaatillu nutaat Nuummi
mittarfimmi atuutsinneqartariaqarput. Taamaammat allatut
ilinniartinneqarnissaq, allagartartaarnissaq il.il. pisariaqarput. Taamaammat
suliassaq “assingusoq” suliarineqaraluartoq ajoraluartumik taama
ajornanngitsiginngilaq”, Greenland Airports ilisimatitsivoq, Kangerlussuarmilu
mittarfimmi sulisut suliassanut angallannermilu aaqqissuussanut maanna
atuuttunut naleqqussarneri naammassineqarsimasut ilanngullugu oqaatigaa. “Nuummi mittarfiup nutaap novembarimi/decembarimi 2024-mi ammarneqarneranut
atatillugu tamanna naammassineqareersimavoq. Tassa Nuummi Mittarfimmut
suliartorusuttut sulilereerput. Kangerlussuarmi sulisut ullumikkut taamaallaat
– maanna suliassanut pisussaaffitsinnullu naleqqussarneqartut –
suliarisarpaat.”
Isumannaallisaanermut tunngasut tamarmik mittarfiit ataasiakkaat
aaqqissuussaanerannit aallaaveqarput. Angallannermut Aqutsisoqarfik
naapertorlugu mittarfinni qanoq misissuisoqartarnissaa, misissuinermi sulisut
qassiusariaqarnerat aamma isumannaallisaanermut sulisut qanoq
ilinniagaqarsimanissaat pillugit ersarissunik malittarisassaqarpoq. Tamannalu
sulisunut ataasiakkaanut attuumassuteqanngilluinnarpoq. Sulisut ataatsimut
isigalugit pisariaqartumik ilinniagaqarsimanngippata isumannaallisaanermut
nakkutilliineq akuerineqarsinnaanngilaq.
Ataasiaannarluni isummannaallisaavikkoorneq
Tamannattaaq ataasiaannarluni isumannaallisaavikkoortarneq (OSS) pillugu
akuersissummut, Kangerlussuarmi mittarfimmi atuuttumut Nuummili mittarfimmi
suli atuutilinngitsumut, atuuppoq.
Greenland Airports ataasiaannarluni isumannaallisaavikkoorsinnaanissamut suli akuerisaasimanngilaq, tamatumalu kingunerisaanik Nuummiit Københavnip mittarfianut aqqusaartussat nassatatik tigoqqaariarlugit akitsuuserivikkooqqaariarlutillu ingerlaqqinniarunik mittarfik qimaqqaarlugu Europamullu ingerlaqqinniarlutik timmisartumut allamut ikisinnaapput
Assi: Oscar Scott Carl
Akuersissut EU-mi kommissionimit mittarfinnut ataasiakkaanut
tunniunneqartarpoq, angalasullu taamaalillutik nunami aallarfiusumi
isumannaallisaanikkut misissuiffigineqarsimasut, assersuutigalugu Københavnip
mittarfianut aqqusaartut Europamiluunniit allamut ingerlaqqinniartut,
misissorneqaqqittariaqanngillat.
OSS-imik akuersissuteqanngippat Nuummit
angalasut nassatatik tigoqqaariarlugit, akitsuuserivikkooriarlutik
ingerlaqqinniarunik mittarfillu qimariarlugu aatsaat ingerlaqqiffissaminnut
ikiartorsinnaapput. Nassatanik aallernermi akitsuuserivikkoornermilu
kinguaattoornerit pissutigalugit timmisartumut tulliuttumut ilaanngitsoornissaq
ilimanaateqarluarpoq.
Angallannermut Aqutsisoqarfiup nalilersorneqarnissamut piareersimasoqartoq
EU-mi nakkutilliisunut nalunaarutigissavaa. Greenland Airports naapertorlugu
tamanna 2025-mi ukiakkut pissasoq naatsorsuutigineqarpoq.
Greenland Airports timmisartukkut isumannaallisaanermut tunngatillugu
isertuussaqarnissaq pissutigalugu sukumiinerusumik oqaaseqarsinnaanngilaq,
isumannaallisaanermulli tunngatillugu malittarisassat malinnissaat
tamaviaarutigilluinnarlugu ilisimatitsissutigaat:
„Toqqissisimanartumik
isumannaatsumillu angalanissaq pingaarnerpaatittuarparput“,
nalunaarutigineqarpoq.
