Atuarfik Inussuk marloriarluni nersornaaserneqartoq: Ukiumi Atuarfiliortutut 2026

Atuarfik Inussuk atuarfeqarnermut tunngatillugu nersornaasiinermi innuttaasunit aamma suliffeqarfinnit 2026-mi Nohrcons kåring af Årets Skolebyggeri 2026-mik  nersornaaserneqareerpoq. Illussanik titartaasartut KHR Architecture, sanaartornermik suliaqartut, Kommuneqarfik Sermersooq peqatigalugu tusagassiutitigut nalunaarutaanni tamanna takuneqarsinnaavoq.

”Nersorniarneqarneq nuanneqaaq, nersornaatinik marlunnik pissarsinerput soorunalimi nuannaarlutalu tulluusimaarutigaarput. Suliniut ingerlatillugu atuarfiup atuisui qanimut oqaloqatigisarpavut, taamaattumik immikkut pingaaruteqarpoq Atuarfik Inussuup taama annertutigisumik ilisimasalinnik innuttaasunillu tapersersorneqarnera,” KHR Architecturemi pisortaq suleqataasorlu Janina Zerbe oqarpoq, taanna sanaartornermik aqutsisimavoq.

Toqqaannartumik aallakaatitsisoqarnerani nersornaasiineq

Atuarfiit qulit innersuunneqarput, Naalagaaffeqatigiiffillu tamakkerlugu nittartakkatigut taasititsisoqarpoq. Suliffeqarfinni nersornaat suliniummut suliffimmi mailikkut taaguunneqarnerpaamut tunniunneqarpoq. Nersornaatinik agguaasup Nohrconip Københavnimiit toqqaannartumik aallakaatitsinermi inerniliussat atuartunut saqqummiuppai.

Atuarfiup pisortaa Dorthe Bidstrup atuarfiup inersuaani najuuppoq.

"Atuarfik Inussuk nersornaatinik marlunnik pissarsinera nuannaarutigeqaara. Atuarfik ataatsimoorluni suliniuteqarnermit aallaaveqarpoq, meeqqat ilinniarnerannut ineriartornerannullu toqqissisimanartumik pilersitsiviuvoq. Suliniummi peqataasut tamaasa qutsavigerusuppakka minnerunngitsumillu Atuarfik Inussummut taaguussimasut," Kommuneqarfik Sermersuumit Dorthe Bidstrup tusagassiuutinut nalunaarummi oqarpoq.

Aamma atuarfimmi ilinniartitsisut atuartullu ilaat, Meeqqanut Atuarfeqarnermullu Ingerlatsivimmi pisortaq Tina Evaldsen kiisalu borgmesterip tullia siulleq aamma Meeqqanut, Ilaqutariinnut Ilinniartitaanermullu Ataatsimiititami siulittaasuusoq Poul Petersen najuuttut ilaanniipput.

Avatangiisit eqqarsaatigalugit illumik ilusilersuineq

Nerserornaasiinerit Janina Zerbenimut Kalaallit Nunaanni meeqqat inuusuttullu avatangiisinik pitsaasunik sinaakkusiisuunerat erseqqissaanerarpaa.

”Meeqqat tamarmik atuarfimmik ulluinnarni inuunerminni pingaarnernik annikitsunillu eqqarsaatiginneqqissaarfiusumik pisassaqartariaqarput. Atuarfik Inussumi nuannaarutiginerpaasama ilagaat, assigiinngitsunut tunngasut tamarmik sananeqaataasa ataatsimut atanerat. Atuarfiuvoq sumiluunniit inissinneqarallarsinnaanngitsoq. Nuummut inuillu atortussaannut tulluartumik sanaajuvoq,” Janina Zerbe oqarpoq nangillunilu:

“Aamma isumaqarpunga nersornaatit atuarfiup assigiinngitsunik suliaqartunik suleqateqarluarneranut ersiutaasut. Tamatta tulluusimaarutigisinnaasatsinnik angusaqarpugut"