Kujataani
savaatillit 15-it qimmitik ulluinnarni suliaqarnerminni atorluarnerulersinnaajumallugit
pikkorissaqqammertut, inuussutissarsiutinik siuarsaavik Innovation South
Greenland paasissutissiivoq.
Australiamiu
Sean O’Hare Norgemi maanna najugalittut savaatiliutigaluni qimminik
nersutaatinik ungoorisartunik suleqateqarnermik ilitsersuisartoq
pikkorissaasuuvoq. Taanna Kujataani aappassaanik pikkorissaaqqammersimalerpoq.
Kujataani
savaatillit 15-it qimmitik ulluinnarni suliaqarnerminni atorluarnerulersinnaajumallugit
pikkorissaqqammertut, inuussutissarsiutinik siuarsaavik Innovation South
Greenland paasissutissiivoq.
Australiamiu
Sean O’Hare Norgemi maanna najugalittut savaatiliutigaluni qimminik
nersutaatinik ungoorisartunik suleqateqarnermik ilitsersuisartoq
pikkorissaasuuvoq. Taanna Kujataani aappassaanik pikkorissaaqqammersimalerpoq.
Kujataani
siullermeerluni siorna pikkorissaavoq, taamanikkullu pikkorissakkami qimmii
siuariaateqarlualereersimasut maluginiarpaa.
Qimmit nersutinik ungoorisartut nersutit ataatsimuuinnarnissaannut ingerlaaqatigiiginnarnissaannulluunniit nakkutiginninneq immikkut piginnaasaqarfigaat.
Assi: Tupaarnaq Kreutzmann Kleist
- Kalaallit
Nunaanni savaatillit qimmimik piginnaasaata 20-25 procentiinnaa atortaraat
tamaaneeqqaarninni maluginiarpara. Qimmimik piginnaasaannik atuinerat maanna 50
procentit tungaanniippoq, taamaammat tamaani savaatillit qimmimik piginnaasaat
tamakkiisumik atortalertuuppatikkit imminnut ikiorserujussuassapput. Qimmii
piginnaaneqarneruleriartuaarpasipput, taamaanneralu nuannerpoq, Sean O’Hare
oqarpoq.
Qimmit
silassorissuunerat atorluaraat
- Qimmivut
qanoq suleriuseqarnitsinnut malinnaasinnerisigut sungiusakkajuppavut. Sungiussiniartarnerat
sivisusinnaasarpoq. Qimmittali silassorissuunerannik atorluaanerusinnaalluta
qanittukkut pikkorissarnitsinni paasivarput. Pikkorissarnerput
pissarsiaqarnaqaaq. Qimmimmi savaateqarnermi pinngitsoorneqarsinnaanngillat, Eqaluit
Akiani savaatilik Siiku Bjerge oqarpoq.
Sean O’Hare
nunarsuaq tamakkerlugu qimminik sungiusaasarpoq. Austrauliami naasorissaasoqarfimmi
peroriartorpoq, qimminilli sungiusaaneq inersimasunngoreernermini aatsaat
aallutilerpaa.
- Nersutinik
2.000-nik paarsisuuninni ilikkarpara. Qimmit nersutaatinik ungoorisartut
nersutit ataatsimuuinnarnissaannut ingerlaaqatigiiginnarnissaannulluunniit
nakkutiginninneq immikkut piginnaasaqarfigaat – taamaaliornissamullu
sungiusarluarneqaraangamik sungiussilluinnarsinnaasarput, Sean O’Hare nittartakkamini
nassuiaavoq.
- Angutip
qimmiminik nersutinik ungoorisartunik 15-inik ataatsikkut qarluallannguarani
aqutsisinnaasup periusiata issuarneratigut ilikkarpara. Angutip taassuma
qimmini kilomtererpaalunnik ungasissusilimmut qaqqamukarnissaannut
naalakkersinnaasarpai – qimmiilu nersutit aasatik qimminit nujuartanit
malersorneqarlutik qimaasimagunavissut uteqatigisarpaat.
- Pikkorissartitsineq
nunalerinermi siunnersorteqarfimmit aaqqissuunneqarpoq, neriuppugullu
pikkorissaqataasut peqataanertik periutsinik nutaanik atorsinnaasaminnik
pissarsiaqarfigilluarlugulu qimmiminnik ulluinnarni sulinerminni
atorluaanerulissutigisinnaajumaaraat, Innovation South Greenland allappoq.
