Ammasuunermut nersornaat: Transparency nersornaasiiniarunnaartoq
Ammasuunermut 2024-mi nersornaammut innersuussisoqarsimanngilaq. Ammasuunermut nersornaasiinissamut Ataatsimiittartoqatigiit ukioq mannamut innersuussisoqassasoq neriuutigaat.
TiG-ip 2024-mi Ammasuunermut nersornaasigassamik nassaanngilaq. TIG-p Ammasuunermut nersornaasiinissamut ataatsimiittartoqatigiivi nersornaasigassamik ujaasinertik unitsippaat.
Transparency International Greenland
Transparency International Greenland 2024-mi Ammasuunermut nersornaammut nutaamik tulluartumillu innersuussiffigineqanngilaq.
Taamaattumik nersornaasiinissamik ataatsimiittaartoqatigiit nersornaasigassamik ujaasinertik unitsippaat.
- Ajoraluartumik
innersuussuteqartoqanngilaq. Taamaattumik nersornaasiinissamut
Ataatsimiittartoqatigiit aalajangerput innersuussanik ujartuineq
2024-mut tunngatitaq unitsinniarlugu, TIG-mi
siulittaasoq Inuk Lundblad oqarpoq.
Aappaagu misileeqqissasut
Ukiumi 2024-mi nersornaasiisoqanngilaq.
Ammasuunermik ukioq mannamut nersornaasiinissamut ataatsimiittartoqatigiit kingusinnerusukkut innersuussinissamik ammaassapput:
- Neriuutigaarpulli
ukioq manna periarfissaq una peqatigiiffinnit, kattuffinnit
inuinnarnillu atorluarneqarluni innersuussuteqarfiujumaartoq.
Innersuussinissamut periarfissaq ukiup naalernerani
ammaanneqarumaarpoq, Transparency
International Greenlandip siulittaasua Inuk Lundblad oqarpoq.
Aviisi Sermitsiaq siullerpaalluni Ammasuunermik 2023-mi nersornaaserneqarpoq.
