Maria Grødem VM-mi sølvimik ujaminnappoq

Timersortartoq Maria Grødem Nuummeersoq qanittukkut Funktionel Fitnessimi VM-ertoqarnerani peqataagami sølvimik ujaminnappoq.

AAMMA ATUAKKIT

Erinarsuutitsinnik takutitsinera tulluusimaarutigaara

- Ajornaatsuinnaanngilaq, pisut pilersaarutinnit allaanerusumik pillataapput. Taamaammat inissinnera assut qujamasuutigaara, Facebookimini taama allappoq.

Nunarsuarmi pissartanngorniunneq, ukioq manna Aurubami oktobarip 22-aniit 25-anut ingerlanneqartoq, sapaatit akunniarluinik sioqqullugit napparsimasimalluni aamma allappoq. Tamatuma saniatigu Auruba Caribiap kujataatungaaniittoq isugutappoq kiallunilu, tamannalu crossfittertartumut misilittagaqarluartumut aamma unammillernarpoq.

Taamaakkaluartoq Maria Grødem timersuutini assigiinngitsuni qasujaassutsiminik nakittussutsiminillu takutitsilluni, 45-niit 49-nut ukiullit akornanni nr. 2-tut inissippoq.

Taamalilluni ujaminnaaani katersami maanna amerlisut akornannut ilanngullugu ilisinaanngorpaa. Qaammatit marlussuit matuma siorna EM-imi sølvinnappoq, 2025-milu aamma sølvinnalluni. Siorna Australiami nunarsuarmi pissartanngorniunnermi bronzennappoq.

- Arubami puigunaatsorsivunga, nutaanik ikinngutitaarlunga nuannarilluakkamalu aallunnissaanut periarfissaqarnera aamma nunarput sinnerlugu peqataasinnaanera assut qujamasuutigaara, ukioq manna VM-ereerluni taama allappoq.

- Tullia qilanaarnaq!