Angut anorersuarnerani aallartoq ajunngitsoq nassaarineqarpoq
Politiit Nuup Kangerluani imaatigut angalasunut angallat aalajangersimasoq eqqumaffigeqqullugu nalunaarutigaat. Angut ajunngitsoq nassaarineqartoq Kalaallit Nunaanni Politiit nal. ataatsimut uppernarsarpaat.
Arkivfoto: Leiff Josefsen
Angutip ajunngitsup nassaarineqarnera pillugu allaaserisaq nutarterneqarpoq.
Angut Nuummiit aallarsimasoq qanigisaasunit isumaaluttunit Kalaallit Nunaanni Politiit ataasinngornermi ullaap tungaani nalunaarfigineqarput.
Angut isumatsassimaqaluni anorlertoq aallarsimasoq pigaartut pisortaat Carl Sværd oqarpoq.
Angallat Flipper 640-uvoq, 225 hestekræftilimmik motoorilik qernertumillu qalerualik.
Tusaannga
Tusaannga – oqa. 801180, SMS 1899
Meeqqat, inuusuttut inersimasullu oqaloqateqarnissamik allaqateqarnissamillu pisariaqartitsisut tamarmik Tusaanngamut saaffiginnissinnaaput.
Tusaanngami siunnersuisartut ajornartorsiut suugaluartorluunniit saaffiginnissutigineqartillugu ikiuunnissamut siunnersuinissamullu piareersimasarput. Tusaavatsigit.
Tusaannga ulloq unnuarlu, sapaatip akunnerisa ullui tamaasa, ammasarpoq.
Tusarfik: Peqqik.gl
Angut Nuup Kangerluanukarsimagunarpoq, politiillu pan-pan-imik taaneqartartumik nalunaaruteqarput. Tassa kangerlummi angalaartunut angallammik taaneqartumut nakkutiginninnissamik peqqussut.
Politiit pisoq nalilersortaarpaat, suliamilu susoqanngippat angutip aqqi assigalu ilanngullugit ujaasisoqarnissaanik nalunaaruteqartarsinnaallutik. Imaluunniit allatut iliuuseqartarlutik.
Ajunngitsoq nassaarineqartoq
Angut nassaarineqartoq pigaartut pisortaata Carl Sværdip Sermitsiamut nal. ataatsip missaani uppernarsarpaa.
Pigaartut pisortaat pisoq pillugit annerusumik oqaaseqarsinnaanngilaq, politiilli angallataat angummut ornigutsinneqarsimasoq taakkulu qujanartumik ujaarineqartoq ajunngitsoq nassaarisimagaat paasissutissiissutigaa.
