Anorersuaq: Qeqertarsuatsiaani innuttaasut 30-t qimagussorneqartut

Qeqertarsuatsiaani innuttaasut 30-t pingasunngornermi ualikkut anorersuarnera pissutigalugu qimagussortinneqartariaqasimapput. Ullup annersaani nunaqarfik anorersuarujussuarpoq.

Kalaallit Nunaanni Politiini pigaartut pisortaat Jeppe Andsager paasissutissiivoq.

- Pingasunngornermi ualikkut nalunaaqutaq 15.49 qimagussuisoqarnissaanik kalerrinneqarpugut. Innuttaasut qatserisartunit nunaqafiup katersortarfianut qimagussortinneqartariaqarput. Nunaqarfiummi affaa innaallagiaqanngilaq, illullu sisamat qaliaat anorersuarnera pissutigalugu ajoqusersimapput, Jeppe Andsager oqarpoq.

Illut sisamat ajoqusersimapput, taakkunannga marluk pisoqaanerusullutik inoqanngitsuq nunaqarfimmi kommunefogedip paasissutissiissutigaa politiit oqarput.

Qeqertarsuatsiaani anorersuaq qatsoriarpat innaallagiaqaqqilissasoq aamma nalunaarutigineqarpoq.

Anorersuarujussuarnerani inunnik ajoqusertoqarsimanngitsoq politiit aamma paasissutissiissutigaat.