Digitaliseriinermut Aqutsisoqarfimmi pisortaq nutaaq
Digitaliseriinermut Aqutsisoqarfimmi René Kvist pisortanngorpoq.
- Atorfinni aallartinnissannut digitaliseriinermilu suliniutinik ingerlatsitseqqinnissannut qilanaarpunga, René Kvist taama oqaaseqarpoq.
Assi: Naalakkersuisut
Katrine H. Nathanielsen ukiuni tallimani Digitaliseriinermut Aqutsisoqarfimmi pisortatut atorfeqarfeqareerluni allamik misilittagassarsiussalluni aalajangersimavoq.
Taarsiisussatut René Kvist 39-nik ukiulik, pisortatut atorfinitsinneqarsimasoq, Naalakkersuisut ilisimatitsipput.
Pisortaqarfimmi pisortanngortoq inatsisilerituutut ilinniagaqarsimavoq, Kommuneqarfik Sermersuumilu Isumaginninnermut Ingerlatsivimmi allaffimmi aqutsisuusimalluni, Nukissiorfinnilu sulisuusimalluni.
Maanna Kalaallit Nunaanni digitaliseriinermut siuttuussaaq:
- Atorfinni aallartinnissannut digitaliseriinermilu suliniutinik ingerlatsitseqqinnissannut qilanaarpunga. Suleqatissakka Namminersorlutik Oqartussallu immikkoortortaqarfinni digitaliseriinermi aaqqiissutissanik ujartuinissara pissanganarluinnartoq qilanaaraakka, René Kvist oqaaseqarpoq nangillunilu:
- Misilittakkakka aallaavigalugit Namminersorlutik Oqartussani immikkoortortaqarfinni avataanilu suleqateqarnikkut tigussaasumik pitsanngorsaanissara isumalluarfigaara, René Kvist oqarpoq.
Aqutsisoqarfimmi pisortartaaq 1.december 2024 atorfittaamini aallartissaaq.
