- Suliaq
naammassivoq.
Drone
angisooq Tuullik nunatsinni silaannakkut angalaqqaarmat taamatut
nalunaaruteqartoqarpoq. Dronning Ingridip Napparsimmavissuaniit Kapisilinnut
aallarpoq. Drone taanna siunissami nunatsinni nakorsiartitsinermi
pingaaruteqartunngussasoq taamani nalunaarutigineqarpoq.
- Suliaq
naammassivoq.
Drone
angisooq Tuullik nunatsinni silaannakkut angalaqqaarmat taamatut
nalunaaruteqartoqarpoq. Dronning Ingridip Napparsimmavissuaniit Kapisilinnut
aallarpoq. Drone taanna siunissami nunatsinni nakorsiartitsinermi
pingaaruteqartunngussasoq taamani nalunaarutigineqarpoq.
-
Pilersuinermi aqqutit isorartunerujussuisigut Peqqinnissaqarfik
ilungersunartorsiorpoq, sineriammi napparsimasunut nakorsaatinik
pingaarutilinnik pilersuinermi qulimiguullit umiatsialluunniit
atortariaqartarlutigit. Droni atorlugu sukkanerusumik annguttoqarsinnaavoq
illoqarfinni nunaqarfinnilu inuunermik annaassilluta – imaluunniit
nappaateqartup uninngasariaqarnera sivikillillugu. Danmark isiginiarsimavarput,
tassani Odense Universitet Hospital OUH dronimik atuilereersimalluni, Fynimiit
Ærmut aammik misissugassat nakorsaatilluunniit assartorlugit, Kalaallillu
Nunaanni Peqqissutsikkut Ilisimatusarfimmit Gert Mulvad AG-mut taamani oqarpoq.
Maannali
ukiut marluk qaangiuttut dronenik suliniut Kalaallit Nunaanni
peqqinnissaqarfimmut annertuallaartoq nassuerutigisariaqarpoq.
-
Peqqinnissaqarfik kisimi droniuteqassagaluarpat isumaqarpunga
akissaqassanngitsugut. Taamaattumik suliassaq tassaavoq suliniut oqartussaasut
arlallit peqataaffigisariaqagaat – assersuutigalugu nakkutilliinermi,
uuliakoortoqartillugu, qaqqami ujaasinermi annaassiniarnermilu, arfernik
kisitsinermi assigisaannillu. Suliniut oqartussaasut arlallit suleqatigiillutik
ingerlanneqarsinnaaneraat paasineqarsinnaappat, isumaqarpunga aningaasatigut
silatusaartumik periusissaqalersinnaasoq, Gert Mulvad oqarpoq.
Piffissap
ingerlanerani Kalaallit Nunaanni sumiiffinni assigiinngitsuni dronenik
mittarfeqalersinnaasoq periarfissaasoraa, sulili piviusunngornissaanut
ungasippoq – ingammik aningaasat eqqarsaatigalugit.
- Dronemut
pisortat ikittunnguit akiliinissaat tunngavilerneqarpat, isumaqarpunga
akissaqarluartoqarsinnaassasoq. Falck maannakkut taamatut periusissiorpoq.
Qularnanngitsumik aningaasaqarneq pineqarpoq, Falckimilu niuertuuvoq
soorunamilu niuernermi najoqqutassiat malillugit sulilluni, Gert Mulvad
oqarpoq.
