ULLORMUT NALUNAARUSIAQ
Hashimiki steroidinillu eqqusseriartoq mittarfimmi tigusarineqartoq
Tallimanngormat ilanngaaserisut Nuup mittarfiani hashimik steroidenillu ilaasup nattataanik nassaarput. Angut maqaasineqartoq Tasiilameersoq ajunngitsoq nalunaarutigineqarpoq.
Foto: Oscar Scott Carl
Ullormi kingullermi Kalaallit Nunaanni Politiit arlalinnik suliassaqartut, pigaartut pisortaat Thomas Jeppesen oqaluttuarpoq.
Siulliullugu angut Tasiilami sisamanngornermi maqaasineqartutut nalunaarutigineqartoq, ajorani angerlamut apuuttoq oqaluttuaraa.
Angut sisamanngornermi ullaap tungaani Tasiilamit aallarpoq, sisamanngornermilu unnukkut maqaasineqartutut nalunaarutigineqarpoq.
Tallimanngornermi ullaakkut politiit angutip sumut angalasimasinneraaneranik ilisimannittunik ujartuipput, kingornalu angutip ajunnginnini ilaquttaminut nalunaarutigaa, angerlamullu apuussimasoq nalunaarutigineqarpoq.
Hashi mittarfimmi nassaarineqartoq
Tamatuma saniatigut politiit tallimanngornermi ullaap tungaani Nuup mittarfianukarput, tassani ilanngaaserisut ilaasoq ikiaroorniutinik inerteqqutinik nassaarfigisimavaat.
- Tikittoqarneranut atatillugu ilanngaaserisut angut misissuiffigaat, hashilu 95.43 gram kiisalu steroidit 10 ml marluk nassaaraat, Thomas Jeppesen oqaluttuarpoq.
Angut unnerluutigineqarpoq pisunullu nassuerluni, taamannalu akiliisitsinermik kinguneqarpoq.
Qatserut pisiniarfimmi imaaraa
Nanortalimmi politiit tallimanngormat Brugseniliarput.
Tamanna angutip inuusuttup qatserummik pisiniarfimmi imaarsisimaneranik nalunaarutiginninnermik patsiseqarpoq.
Angutit inuusuttut marluk pineqarput, taakku puiaasaaqqanik utertitsiartorsimapput, tassungalu atatillugu qatserummik tigusipput.
Pinerluuteqartut nassaarineqanngillat.
Aammattaaq Paamiuni Brugsenimi aserorterisoqarpoq, tassani pisiniarfiup igalaava aserorneqarpoq. Politiit alapernaarsukkanik immissat pissarsiaraat aserorterisorlu maanna ujarlugu.
