NUNANIT ALLANIT
Hizbollah qaartartunik Ruslandimeersunik Israelimut saassussissuteqarpoq
Hizbollah Israelip avannaani nunaqarfimmut saassussivoq palæstinenserit tapersersorlugit, pikitsitsiniaqatigiit taamak nalunaaruteqarput.
Israelimi illersornissaqarfiup Hizbollahip raketii nunap immikkoortuani avannarlermi Haifap eqqaaniittumi naammattoorpai.
Assiliisoq: Ammar Awad/Reuters
Hizbollah, sakkulersortut shiamuslimiusut kattuffiat, katjusjarakettinik "aqqaneq marlukkaanik amerlasuunik" Israelip tungaanut igeriusseqattaarpoq, nunaqarfimmut Beit Hillel-imut, Israel-ip avannaani inissisimasumut.
AFP-mut nalunaarutigineqartut malillugit taamak nalunaaruteqarpoq kattuffik.
Saassussinermittaaq akiniutigineqarpoq Libanonip kujataani qitiutinneqartoq Iran-illu tapersersorneqarneratigut, oqarpoq saassussineq tassaasoq palæstinamiut innuttaasut tapersersornerat.
Tamatuma saniatigut akissuteqarfiuvoq Israel-imit saassussinernut Kfar Kela-mi aamma Deir Siriane-mi Libanon-imi, tassani innuttaasut ajoquserujussuarsimasut, Hizbollah-mit oqaatigineqarpoq.
Katjusja tassaavoq raketsystemi Ruslandimeersoq.
Israel suli saassussinermut oqaaseqarsimanngilaq. Ilisimaneqanngilaq inunnik ajoqusertoqarsimanersoq.
Israel aamma Hizbollah-ip akornanni akerleriinneq piffissami sivitsortumi aatsaat taamak najummatsisimanartorsiorfiutigivoq, meeqqat aqqaneq marluk raketimik saassunneqarneranni Golanhøjderne-mi toqutaanerisa kingorna.
Sapaatip akunnerani matumani annerusumik akerleriilerpoq, tassami Ismail Haniyeh, palæstinamiut kattuffiata Hamas-ip politikkikkut siuttua Teheranimi, Iranip illoqarfiisa pingaarnersaanni, toqutaavoq.
Ismail Haniyeh-ip toqutaanerata aqaguani Hizbollah-ip siuttua Fuad Shukr Israelip silaannakkut saassussinerani aamma toqutaavoq.
Hizbollah tassaavoq sakkulersorlutik Israelimut akiuuttut kattuffiit ilaat, Iranimit tapersersorneqartoq, Iran Israelip akeratoqarilernikuuaa præstestyret-ip Teheranimi 1979-imi aqutsinera aallartimmalli.
Iranip aamma Hamas tapersersorpaa, ukiullu qulit qaangiunneranni Israelimut sorsunnermik sakkortuumik ingerlatsisoq Gazastriben-imi, Hamas-ip kingullermik ukioq kingulleq oktobarip arfineq-pingajuanni Israel saassussimmagu Israelillu naatsorsuutai malillugit inuit 1.200-it missaanniittut toqutaasimasut.
Gazastriben-imi saassussinerit inuit 39.550-it missaanniittut toqutaanerannik maannamut kinguneqarpoq, taama oqarput peqqinnissaqarfinni oqartussaasut, taakkua sorsuttut Hamas-imeersut inuinnaalluunniit toqutaasimasut akornanni immikkoortitsinngillat. Tamatuma saniatigut inuit 91.280-it missaanniittut aqqunartitersimapput sorsunnermi pineqartumi.
/ritzau/
