Iliveqarfimmi aserorterisoqartoq – takunnissimasunik ujaasisoqarpoq

Upernavimmi ilerrit 16-it aserorterneqarsimapput.

Sanningasut uppitinneqarsimapput allatigulluunniit aserorterneqarsimallutik, pigaartut pisortaat Jeppe Andsager Sermitsiamut oqarpoq.

Politiit pisumut tunngatillugu paasissutissaateqannginnertik pissutigalugu takunnissimasinnaasunik allanillu paasissutissaateqartunik saaffiginnittoqarnissaa kissaatigaat.

Aserorterineq septembarip 20-ani nal. 16:00 septembarillu 21-ani nal. 19:00 akornanni pisimavoq.

Politiit ataasinngornermi ullaap tungaani nalunaarfigineqarput, oqarasuaatikkullu 70 14 48-mut attaveqarfigineqarsinnaallutik.