Aallaaseqassagaanni
aqqaneq-marluleereersimasariaqarnermut piumasaqaat 15-ileereersimasariaqarnermut
qaffanneqassasoq aamma sakkunik imassanillu immikkut inissiisarnissamut sukannernerusunik
piumasaqaateqalernissaq, Naalakkersuisut nunatsinni sakkunut inatsisissatut
siunnersuutigaat.
Tassa aallartoorfiginninnernik pinaveersaartitsinissaq
aallaasillu allanit atoriaannatsaalineqartalernissaat taamaalillutik
ukkatarineqalerput.
Aallaaseqassagaanni
aqqaneq-marluleereersimasariaqarnermut piumasaqaat 15-ileereersimasariaqarnermut
qaffanneqassasoq aamma sakkunik imassanillu immikkut inissiisarnissamut sukannernerusunik
piumasaqaateqalernissaq, Naalakkersuisut nunatsinni sakkunut inatsisissatut
siunnersuutigaat.
Tassa aallartoorfiginninnernik pinaveersaartitsinissaq
aallaasillu allanit atoriaannatsaalineqartalernissaat taamaalillutik
ukkatarineqalerput.
Justus Hansenillu
immikkoortut taakkorpiaat inatsisissatut 2010-mi siunnersuummini qitiutilluinnarpai.
Aallaaseqassagaannimi aqqaneq-marluleereersimasariaqarnermut piumasaqaat 15-ileereersimasariaqarnermut
sukannernerulertariaqartoq taavalu aallaasit eqittaataasalu parnaarsaataat sikaavinnut
amusartunulluunniit immikkut inissinneqartarnissaat piumasaqaataalertariaqartoq
taamani siunnersuummi pingaarnertut erseqqissaatigaa.
Tassalu ukiut
15-it matuma siorna siunnersuutini inatsisitigut kiisami suliarineqalernera
naammagisimaarini, taassuma oqaatigaa.
- Naalakkersuisut
sakkunut inatsisissatut kiisami siunnersuuteqarnerat nuannaarutigeqaara. Siunnersuutaammi
ukiut 15-it matuma siorna siunnersuutigalu naapertuulluinnarput. Siunnersuutimali
taama paamaarunneqartiginera tupigusuutigigakku nassuerutigissavara, taanna
oqarpoq.
Tamatumunngali
tunngatillugu nammineq ima nassuiaavoq:
- Naalakkersuisut
kisimik pisuunngitsut nalunngilara. Danmarkimmi inatsiseqarnermut
ministereqarfia suliarineqarnissaanut piareersaaqataasussaavoq, tamannalu
suliap paamaarunneqarneranut soorunami pissutaaqataavoq. Isumannaallisaanermulli
pingaaruteqaqimmat ukiuni taama amerlatigisuni utaqqisinneqarneq sivisuginarpoq,
taanna oqarpoq.
Taamanili
maannamut piffissap ingerlanerani alianartunik pisoqartarsimavoq, soorlu aallartoorfiginninnerit,
imminut toqoriaraluarnerit toqutseriaraluarnerillu.
- Pisummi tamakkua
inatsisip taassuma sukannernerusariaqarneranik ersersitsiinnartut isumaqarpunga,
taanna oqarpoq.
Kulturikkut
kingornussaq isumannaallisaanerlu oqimaaqatigiissarneqarlik
Justus
Hansenip piumasaqaataalersussat nunatsinni ileqquusumut tassa piniarnermut
akornutaannginnissaat pingaartippaa.
- Aallaaseqarneq
kulturitsinnut oqaluttuarisaanitsinnullu ilaavoq. Siuaasatta ilaquttaminnut
pilersuinissaminnut pinngitsoorsinnaasimanngilaat. Taamaammat meeqqat
inuusuttullu – amerlanertigut ataataminnit - piniarnermik
ilinniartinneqartarnerisa ileqquujunnaarsinngikkaluarlugu sukannernerusumik
isumannaallisaanissaq pingaartuusoraara, taanna oqarpoq.
Meeqqat
aqqaneq-marluk 15-illu akornanni ukiullit piniarsinnaatitaaginnassasut,
inersimasumilli aatsaat ingiallorteqarpata, ingiallorteqarnissamut
peqqussutissatut siunnersuummi allaqqavoq.
- Tamanna aaqqiissutissaqqissoraara.
Taamaalillutami ileqqutoqqatsinnik ingerlatitseqqiisarnerput attassinnaavarput,
tamannalu ilutigalugu aallaasit meeqqanit aamma atoriaannatsaalissallutigit,
Hansen oqarpoq.
Toqqortaatiginissaannut
malittarisassat erseqqinnerusut
Aallaasit imassallu
illersorsinnaasumik inissinneqartarnissaat inatsisissatut siunnersuummi
piumasaqaatigineqartunut ilaavoq. Tamatumalu piumasaqaataalernissaa Justus
Hansenip ukiorpassuarni tassa angutserpaa.
- Qoorortuummi
timmiarsiutilli angerlarsimaffimmi saqqummitiinnarneqartarnerat mianersuaalliorneruvoq.
Tillinneqarpartami meeqqanilluunniit nassaarineqarpata ajorluinnartumik
kinguneqarsinnaavoq. Taamaammat aallaasit imassallu allanit
atoriaannatsaalillugit immikkut inissinneqartarnissaannut piumasaqaatit nutarterneqalersaarnerat
nuannaarutigaara, Inatsisartuni ukiorpassuarni ilaasortaq Tasiilameersoq oqarpoq.
Aallaaniartartut
piniartullu inuunerannik ajornakusoornerulersitsinissaq siunertaanani
inuiaqatigiinnili isumannaallisaanerunissaq siunertaasoq, taassuma
erseqqissaatigaa.
- Nunatsinni aallaaserpassuaqarpoq. Taakkua
isumannaatsumik inissinneqartarnissaannut akisussaaffik tigusariaqarparput.
Alloriarnerusoq
nunatsinnut pingaarutilik
Naalakkersuisut
inatsisissatut siunnersuutaat sakkunut inatsimmik 1992-imili allannguinerit
annersaattut isikkoqarpoq. Justus Hansenip qangali angutsersimasami kiisami timitalerneqartussanngorpasinnera
pingaartutut isigaa.
- Taamanikkut
siunnersuutigaara isumaqarama – sulilu isumaqarama – inuiaqatigiit inuit ilaat
aallaaseqarsinnaatitaannginnissaannik aalajangeeqataasinnaatitaasariaqartut. Kikkullu
qanoq ittunik aallaaseqarnersut nakkutigisinnaasariaqaripput. Pisariuvoq,
kisianni tassa kiisami pivoq, taanna oqarpoq.
Taassuma
Naalakkersuisut pisarialimmik alloriarnerannut nersualaarpai:
- Kingusissoorneq
pinngitsoornermit ajunnginneruvoq. Kulturerpummi innuttaasullu mianeralugit sakkunut
inatsimmik ullutsinnut tulluarnerusumik pilersitsinissamut maanna
periarfissaqalerpugut.
Siunissami
suleriaqqinnissamut isiginniffiusoq
Sakkunut
tunngatillugu isumannaallisaanerulersaarneq Justus Hansenip naammagisimaarpaa,
ataavartumilli taamaaliortarnissaq aamma pisariaqartoq isertuutinngilaa.
- Alloriarneruvoq.
Inatsisit naapertuunnersut sukateqqinneqartariaqarnersullu
eqqumaffigiuartariaqarparput. Maannali tassa tunngavissaqarluaratta
pingaarnerpaavoq, taanna oqarpoq.
Qungujulaatigaluni
ima naggasiivoq:
- Inatsisartuni
ilaasortatut ukiorpassuit matuma siorna siunnersuutima kiisami
timitalerneqarnera nuannaarutigisorujussuuara. Politikkikkut suliat
kinguneqarluarsinnaanerannik ersersitsivoq – aamma pisariugaluarpataluunniit.
