Maanna arfininngornermi ullaakkut
silaginnissaa neriuutigisariaqarparput.
Nuiaqanngippammi Kalaallit Nunaanni
tamarmi ullaakkut seqineq ilaannakuusumik pulassaaq.
Maanna arfininngornermi ullaakkut
silaginnissaa neriuutigisariaqarparput.
Nuiaqanngippammi Kalaallit Nunaanni
tamarmi ullaakkut seqineq ilaannakuusumik pulassaaq.
- Seqernup ilaannakuusumik pulanera Kalaallit
Nunaanni tamarmi takuneqarsinnaassaaq, Nuummilu 87 procenti sinnerlugu
pulassagami malunnarnerussalluni – Sisimiuni, Ilulissani, Qaqortumi kujataanilu
taamatuttaaq pulassaaq. Qaanaami 82,5 procentit missaanni Tasiilamilku 75
procentit missaanni pulassaaq, Dr. Scient. Kristian Pagh Nielsen DMI-meersoq
oqaluttuarpoq.
- Nuummi seqernup pulanera nalunaaqutaq 08:54
seqernup nuineranit nalunaaquttap akunneri marluk qaangiuppata
sakkortunerpaassaaq. Piffissami tassani seqineq lillingusaamiit
kangianut/kangisimmut kujammut sammisumi 14 gradinik qutsinnerusussaassaaq.
Seqernup pulanera takujumagaanni qaqqat Nuup eqqaaniittut tarraat
maluginiartariaqarput. Qutsissumukarluni – imaluunniit kangerlummukarluni,
pitsaanerussaaq, Kristian Pagh Nielsen siunnersuivoq.
Arfininngornermi marsip 29-ani 2025-mi nal. 08.54 seqernup pulanerata qanoq annertutiginera nunap assingani takuneqarsinnaavoq. Nunavummi seqernup qaavata 90 procentia ulinneqassaaq.
Assi: timeanddate.com
Seqeerngup pulanera Issittup avannaani tamarmi
Canadallu kangiani assigiinngitsutigut takuneqarsinnaassaaq Nunavumi qaammatip
seqernup qaava 92 procentimik ulissavaa.
Isitit mianersuutikkit
Seqineq toqqaannartumik isigigaanni seqernup
qinngorneri isinut ajoqutaasinnaapput, aamma seqernup pulanerani.
- Immikkut ittunik isinut
illersuuteqanngikkaanni iseqerngup isiginnginnissaa pingaaruteqarpoq.
Illersuuteqanngikkaanni isikkut ajoqusingaatsiartoqarsinnaavoq. Seqernup
pulanerani isarussat seqerngup qinngornernik ajoqutaasunik tamanik
peerutitsisinnaasut atortuaannakkit.
- Seqernup qinngornerinut illersuummik
isarussanilluunniit peqanngikkuit pappiaraq putoriarlugu seqernullu qinngorneri
natermut qinngortillugit qaammatip seqinermit asseriartuaarneqarnera
takuneqarsinnaavoq, Videnskab.dk-mi ulloriarsiortut siunnersuutigaat.
Seqernup pulanera tamakkiilluni silap tamarmi
taartuinnarnngortarnerata timmissallu qarlorunnaartarnerata akerlianik pulanera
ilaannakuutillugu suli qaamasarpoq. Tamanna Siriusip alapernaarsuiartortitaasa
allallu aappaagu aggustip aqqaneq-aappaani misigissavaat, ilaatigut Tunup
avannaani seqernup pulanera tamarmiussammat.
