Kimmaasimaneq pillugu Kalaallit Nunaanni Politiit misissuipput
Meeqqap ataatsimik affarmillu ukiullip meeqqerivimmiinnermini kimmarneqarsimanera pillugu Kalaallit Nunaanni Politiit misissuillutik uppernarsarpaat.
Politi
Foto: Leiff Josefsen
Kalaallit Nunaanni Politiit naatsumik nalunaaruteqarput meeqqerivimmi Nuummiittumi meeraq ataatsimik affarmillu ukiulik arlaleriarluni kiinnamigut timimigullu kimmarneqarsimasoq pillugu misissuillutik.
- Suliaq suli misissuiffigineqarpoq, taamaattumik maannakkut oqaaseqarfigisinnaanngilarput, Kalaallit Nunaanni Politiit allapput.
Meeqqamut kimmarneqartumut anaanaasup oqariartuutigaa kimmaaneq meeqqerivinni sulisussaaleqinerup piliarigaa.
Kommunip sulia pimoorukkaa
Kommunip erseqqissarpaa meeqqat isumannaatsumiinnissaat atugarissaarnissaallu annerpaamik pingaartinneqartoq. Taamaattumillu iliuusissat maanna atuuttut pillugit misissorneqarput, meeqqerivinni sakkussat atorluarneqarnersut qulakkeerniarlugu, siunissamilu taama pisoqaqqinnginnissaa anguniarlugu.
- Kommunip periaasii misissorneqarput, taamaalillutalu qulakkeerniarlugu, periarfissat pitsaanerpaamik atorneqarnissaat, taamaalilluta assingusumik pisoqaqqinnginnissaa qulakkeerniarlugu, Lone Nukaaraq Møller naggasiivoq.
