Marsip qaammataa nunatsinni ukiut 67-it matuma siornamiilli aatsaat taama kiatsigisoq
2025-mi marsip qaammataa siornatigornit kiannerusoq, DMI-p Kalaallit Nunaanni immikkoortortaa ilisimatitsivoq taamaanneratalu sumik peqquteqarneranik ilimasaaruteqarluni.
Marsip qaammataa siornatigut kiannerusoq, nunatsinni silasiorfinni tamangajanni uuttuinerit takutippaat.
Arkivfoto: Leiff Josefsen
Marsip
qaammataa Kalaallit
Nunaanni siornatigornit malunnartumik kianneroqisoq, Danmarkimi silasiorfik DMI Facebookimi
quppernermini allappoq.
Tassa nunatsinni
silamik uuttuivinni marluinnaat, tassaasut Tunumi Ittoqqortoormiiniittoq avannarpasinnerpaasuusorlu
Kap Morris Jesupimiittoq pinnatik, sinnerini taamaalinerani agguaqatigiisillugu
siornatigornit kiannerupput.
- Silamik
uuttuiviit sinnerini taamaalinerani agguaqatigiisillugu siornatigornit kianneruvoq,
arlalinnilumi kiannerungaatsiaqaluni. Marsimmi qaammataa Summitimi, Ikermiuarsummi
Pituffimmilu ukioq manna kiannerpaaffiata tulleraa – allallu taamaalinerani aatsaat
taama kiatsigisut qulit akornanniittut, DMI allappoq.
Silaannarmik
kiaqisumik takkiganiit aqqusaarneqartoq
Marsimi
sapaatit akunnerisa ilaata ingerlanerani tassa siornatigornit kiannerungaatsiarpoq,
nunatta silaannarmik kiaqisumik takkiganiit marsip arfineq-pingajuata 15-iata
akornanni aqqusaarneqarneraninik peqquteqartumik.
Illoqarfinni
ukunani agguaqatigiissillugu ulluni taakkunani ima kiatsigaaq:
- Sisimiut: 10,3 °C
- Ilulissat: 8,0 °C
- Upernavik: 5,9 °C
- Qaanaaq: 0,0 °C
Marsip
qaammataata sinnerani siornatigutulli nalinginnaasumik kiattoq qaammatilli ilaata
ingerlanerani kianneroqinera 1958-imiilli aatsaat taama kiatsigisutut
taanissaanut tunngavissaqarluartoq, DMI ilisimatitsivoq.
