Nanoq Arctic Circle Trailimi takuneqartoq

 Amitsorsuup eqqaani,sumiiffimmi 66.934545, -51.606527-mi, nannumik unnuaq takusoqarsimasoq Arctic Circle Businessimit ilisimatitsissutigineqarpoq, maannalu inuit tassaniittut mianersoqquneqarput.

Amitsorsuaq pisuffigineqarluartumi Arctic Circle Trailimiippoq.

- Inuit tassaniittut kaammattorpagut alaatsinaassasut sissuissasullu, kammalaatit ilaquttallu aqqummi tassani pisuttut ilisimatissagaat piumaffigaagut. Maannakkuugallartoq nanoq tassani kisimi takuneqarpoq, allanik takunnissimasunik nalunaartoqanngilaq suli, Arctic Circle Trail Facebookikkut nalunaarpoq.

Arctic Circle Business mianersoqqussummik maanna kaammattuivoq:

1. Ungasinniaruk: Nanoq takugukku uterit.
2. Ataatsimooritsi: Nannup takuppatit ilagisatillu ataatsimooritsi uterlusilu. Nanoq sumiinnersoq nakkutigisiuk, kalerrisaarigitsilu.
3. Nanoq qanillippat: Ilagisatillu ataatsimooritsi nipiliorlusilu. Illersorniarluni kalerrisaarut aallartiguk. Nanoq qanillinngisaannaruk qimallugulu.

Arctic Circle Businessip inuit tamaaniittut mianersoqqussummik eqqumaffiginninnissaannut mianersornissaannullu kajumissaarpai.