Nuummi anorersuaq: Sanaartorfimmi krani uppittoq
Nuummi sanaartornermi krani anorersuarnerani uppippoq.
Sanaartornermi krani angisooq tallimanngornermi uppippoq.
Privatfoto
Nuummi tallimanngornermi ullaap tungaani anorersuarujussuarnerani krani sanaartornermi atorneqartartoq meterinik arlalinnik portutigisoq uppippoq.
Pigaartut pisortaata Aputsiaq Hansenip uppernarsarpaa.
Krani sanaartorfiit akornanni uppissimasoq assilillugu inuit attaveqaqatigiittarfiinut ilisimagaat takuneqarsinnaavoq.
Ajutoorneq Inussiviup eqqaani pivoq, politiit upalungaarsimasullu sumiiffimmiittut pigaartut pisortaata ilisimatitsissutigaa.
- Inunnik ajoqusertoqarsimaneranik nalunaaruteqartoqanngilaq, Aputsiaq Hansen ullup-qeqqanngitsiartoq oqarpoq.
Innuttaasut sumiiffiup assiaqusersorneqarnera ataqqissagaat pigaartut pisortaata kajumissaarutigaa.
Qaqortumi pisariaqanngitsumik aamma angalasoqaqqunagu innuttaasut kajumissaarneqartut ilanngullugu oqaatigaa.
Illoqarfimmi aqquserngit quasappallaarnerat pissutaavoq.
