Nuup eqqaani ujaasineq unitsinneqarpoq - ataasinngornermi nangeqqinneqassaaq
Timmisartumik Nuup eqqaani ajutoorsimassagatinneqartumik ujaasineq sapaatiummat unnukkut unitsinneqarpoq.
Nuup eqqaani Sermitsiap nalaani ujaasineq pivoq.
Assi: Morten Okkels
Timmisartumik Nuup eqqaani periarfeerunneqartumik ujaasineq sapaammi unnukkut nal. 18.20 unitsinneqarpoq.
Ataasinngornermi ujaasineq nangeqqinneqassasoq, Naviair nittartakkamini allappoq.
Ujaasinermi suli nassaartoqanngitsoq, Naviairimiit Sermitsiamut ilisimatitsissutigineqarpoq.
Timmisartoq Nuup eqqaani arfininngornermi ualisoq periarfeerunneqarpoq. Taanna timmisartuaraavoq ataatsimik motoorilik Canadamiit Kalaallit Nunaannukartoq ataatsimik ilaasulik, oqartussallu nalunaarutigaat.
Nuup avannaata tungaani qeqertap Sermitsiap eqqaani qulimiguullit timmisartullu arfininngormat ualisoq ujaasipput. Issittumi Sakkutooqarfiup umiarsuaa nakkutilliissut Knud Rasmussen aamma sumiiffimmiippoq.
