Persuttaasoqarsimaneranik imigassartorsimatillunilu biilertoqarsimaneranik nalunaarutiginninnerit
Angut 21-nik ukiulik sapaatiummat imigassartorsimatilluni biilertutut tigusarineqarpoq. Pigaartut pisortaannit nalunaarutiginnittut qutsavigineqarput.
Assiliisoq: Leiff Josefsen
Sapaatiummat nal. 12.54 Nuummi Qinngutsinni Nuffiit eqqaanni persuttaattoqarneranik Kalaallit Nunaanni Politiit nalunaarfigineqarput.
Pigaartut pisortaat Jeppe Andsager Sermitsiamut oqaluttuarpoq politiit sumiiffimmut ornigutsinneqarsimasut.
Politiilli suli tikiutinngitsut inuit ilaat qimaasimasut paasineqarpoq.
Inuit politiinit unitsinneqarput, tassanilu paasinarsivoq biilertoq, angut 21-nik ukiulik, imigassartorsimasoq.
Nalunaaruteqartoqarneranut atatillugu imigassartorsimatilluni biilertumik politiit unitsitsisinnaasimammata pigaartut pisortaat qujavoq.
- Nalunaaruteqartartunik pikkorissunik eqiasuillutik paasissutissanik eqqoqqissaartunik tunniussisartunik peqarpoq, Jeppe Andsager oqarpoq.
