Piumassuseqaraanni aqqutissaqarpoq

Fynip avannaani Bogensenimi Cice aamma Lars-Peter Sterlingip inaannut pulaarneq pissanganarlunilu nuannertuaannarpoq. Inaat atuakkanik ulikkaarpoq, nipilersuutit ilisivimmiillutik, eqqumiitsuliat iikkami nivingapput, assiliiviillu nerrivimmiittoq taakkua soqutigisarpassuisa inuunerannillu pisimasunik takussutissarpassuaaliisoq.

- Alapernaatsuunera pissutigalugu Kalaallit Nunaannukarpunga. Apersortikkama Knud Rasmussenip atuakkiaa Den store slæderejse tunissutisiaraara, taassumalu atuarnikuunera pissutigalugu Kalaallit Nunaannut angalaniarlunga apersortinninnit ukiorpassuit qaangiummata aalajangerpunga, Lars-Peter Sterling oqaluttuarpoq.

Suliassarpassualik

Lars-Peter Sterling taama aalajangertinnani soorunami ilinniaqqaartariaqarpoq. Realskolemi soraarummeerneq sivikitsumillu saffiortutut ilinniarneq. Taamanikkut sakkutuujusussaatitaaneq aamma atuuppoq. Sakkutuunngorniarneq timersuutinik assigiinngitsunik sammisaqartoq tulluartorujussuuvoq. Timersortartoq assigiinngitsorpassuarnik sammisaqartartoq timersuutinut assigiinngitsunut tamanut peqataarusuttuaannarsimavoq: Assammik arsarnermut, arsaannermut, sulorarnermut, basketballimut, tennisimut nalunnermullu.

Sakkutuunik ilinniartitsinermini Lars-Peter Sterlingip ilinniartitsineq suliassaralugu paasivaa. Københavnip Universitetiani ilinniarnertuunngorniarpoq timersornermillu ilinniarluni. Hillerødimi assammik arsartartunut sungiusaasuuvoq. Piffissap ilaani atuarfinni marlunni ilinniartitsisuuvoq. Piffissalli ilaani ilinniagaq allagartartaarfissanngorpoq. Taamaattumik ilinniartitsisunngorniarpoq. Soorunami unnukkut atuartarneq ingerlappaa, suliassarpassuaqarlunilu qimmit marluk isumaginiassagamigit.

- Ullumikkut paasisinnaangilara qanoq ilillunga tamakku tamaasa angumerisinnaasimanerlugit, Lars-Peter Sterling oqarpoq.

Kalaallit Nunaat tikikkusunnartoq

Lars-Peter Sterling 1993-imi siullerpaamik Kalaallit Nunaannukarpoq Tasiilamilu ilinniartitsisunngorluni. Ukiuni tallimani tassaneereerluni Danmarkimut Mønimut nuunnippoq. Iluatsippallaanngilarli.

- Taamaattumik Kalaallit Nunaannut qinnuteqaqqippunga. 1999-imi Ittoqqortoormiinut pivunga. Ukiuni marlunni tassaneeriarlunga aallaqqippunga. Kulusummi atuarfik pisortamik amigaateqarpoq. Sivitsunngitsoq tuppunga, ukiunilu aqqaneq-marlunni Kulusummi najugaqarlunga nuannersorpassuarnik misigisaqarfigalugu.

Kulusummi ukiorpassuit nuannersumik ingerlasimanerannut pissutaasut amerlasut Lars-Peter Sterling oqarpoq.

- Sumiiffigisimasanni assigiinngitsuni avatangiisinni qanoq sulisoqarnersoq maluginiartarsimavara. Atuarfimmi pisortaq qanoq sulinersut, taamaalillungalu taakku kukkussutaat kukkussutiginaveersaartarlugit, Lars-Peter Sterling oqarpoq.

Kulusummi atuarfiup angusarissaarnera tusagassiuutitigut arlalinni allaaserineqarsimavoq, ilaatigut Sermitsiaq.AG-mi 2012-imi.

- Ingerlalluarnermut pissutaasoq pingaarnerpaaq tassaavoq inuit eqqortut atorfinitsinnissaat minnerunngitsumillu atorfimmiitiinnarnissaat. Minnerpaamik 80%-ii ilinniarsimasuupput, timelærillu aamma pikkorissorsuullutik.

- Taamaammat meeqqat ilinniartitsisutik nuannaraat. Kulusummi meeqqat aamma taamaapput. Ullaakkut piffissaq atorluarlugu takkuttarsimapput, atuareeraangamillu angerlarnermiit atuarfimmiikkusunnerusarlutik. Atuartoq kinaluunniit itigartitsinngisaannarpoq. Soorunami angajoqqaat aamma suleqatigilluarpavut. Qujanartumik atuartuusimasorpassuit suli attaveqarfigisarpavut.

Qatanngutigiit ilaasa ilinniartitsisumut naaggaarnissaminnut akerliunngillat. Ilumoorpoq angajoqqaallu suleqatigiilluarnerput aamma peqatigalugu. Ajoraluartumik suli attaveqarpugut amerlanernik ilinniartitsisut pisoqaanerpaat ilaannik.

2007-imi atuarfik meeqqat atuarfiattut nalinginnaasutut Nuummi atuarfiit pisortaannut toqqaannartumik atassuteqartunngortinneqarpoq. Aamma oqarasuaatit angallattakkat atoqqusaajunnaarput.

Lars-Peter Sterlingip meeqqat atuarfiani atuartut oqarasuaatiminnik angallattakkanik nassarsinnaanerannik oqallinneq paasiuminaatsippaa.

Kulusuk taamani 350-inik innuttaqarpoq 80-ingajannillu atuartoqarluni.

Soorunami ukiorpassuarni Tunumi najugaqarsimagaanni qimmilerineq ilikkarneqartarpoq, angallallu isumalerujussuanngorluni. Lars_peter Sterliingimut aamma taama pisoqarpoq.

Pisartorpassuit

Kulusummi atuartunut pisimasut pingaaruteqartut arlaqarput. Nipilersornermik ilinniarfik, Islandimut, Sverigemut, Frankrigimut, Hollandimut, Canadamut Danmarkimullu angalanerit. Eqqumiitsulianik aamma saqqummersitsisoqartarpoq. 6. klassit tamarmik ulluni 14-ini Islandimiipput. Atuartut tamarmik efterskoleriarput. Angajoqqaaqarpat aningaasatigut ajornartorsiortunik atuartut sumiginnarneqannginniassammata ikiortissaqartuaannarpoq. Aamma skakkernermi unammiuaarnerit assigiinngitsut aaqqissuunneqartartut Lars-Peter Sterling ilaatigut oqaluttuarpoq.

Atuarfik Tunup nunaqarfianiittoq Kalaallit Nunaanni pitsaanerpaatut inississaguni pisorpassuaqartariaqarpoq.

- Mislittaanerit perorsaariaaserlu pitsaasoq atorlugit angusaqartoqarluarsinnaavoq. Nunaqarfinni atuartut illoqarfinni atuarfinni angisuuni atuartut pikkorissut soorunami assigineqarsinnaapput, Lars-Peter Sterling naggasiivoq. Oqaloqatigiinnerpullu pissanganartoq Cice Sterlingimit ilalerneqarluarpoq.

Cice Sterlingip Paamiuneersup Tunumiut oqaasii paasinissai aallaqqaammut qanoq ajornakusoortigisimanersut eqqaavaa.

- Meeqqat oqaasii paasisinnaanngilakka iliuusissaaruteqqallungalu. Ullulli ilaanni oqarfigigakka tunumiusut ilinniartippannga kitaamiusut ilinniartissallugit. Tassanngaanniilli siumut aallarpoq.