Sisimiuni biilinik ajutoortoqarnerani arlallit ajoqusertut

Sisimiuni biilinik navianartormik ingerlaartoqartoq politiinut arlalinnit tallimanngormat ullaakkut nalunaaqutaq 06.50 missaani nalunaartutigineqartoq politiini pigaartut pisortaat Carl Sværd oqarpoq.

Politiit biilit suli sumiissusersinngikkaat mittarfiup tungaanut aqqummi ajutoorsimapput.

- Ataaseq biilini tattoqilluni nikeriarsinnaasimanngilaq, allallu marluk ajoqusersimallutik. Taakkulu napparsimmaviliaanneqarput, Carl Sværd tallimanngornermi nalunaaqutaq 7.45-p missaani oqarpoq.

Politiit, ambulancet qatserisartullu sumiiffimmi ulapaarlutik sulimmata naammassinissaata tungaanut innuttaasut qanillinaveersaaqqullugit kajumissaarpai.