Tamanut naleqqussakkamik ilusilersuineq ersersinniarlugu Tilioq ataatsimeersuartitsoq
"Greenland Leaving No One Behind" qulequtaralugu Tilioq juunip ulluisa 6-ani 7-anilu Sisimiuni Taseralimmi ukiumoortumik ataatsimeersuartitseqqammerpoq, kingornalu seminarertitsilluni. Ataatsimeersuarnermi inuit assigiinngitsut tamanut naleqqussakkamik ilusilersuinermut tunngasunik ilisimasallit peqataapput. Isuma inuiaqatigiinnik, aaqqissuussinernik nioqqutissianillu inuit, aamma innarluutillit, pisariaqartitaannik matussusiisunik pilersitsinissamik siunertaqarpoq.
Foto: Tilioq
Tilioq ukiumoortumik ataatsimeersuaqqammerpoq qulequtaralugu “Greenland Leaving No One Behind”, Sisimiuni juunip arfernani arfineq-aappaanilu, tamatumalu kingorna juunip arfineq-pingajuani qulingiluaanilu isumasioqatigiinnertalimmik.
Tamanut naleqqussakkamik ilusilersuineq ataatsimeersuarnermi ukkatarineqarpoq, tassani inuiaqatigiit, systemi nioqqutissallu inunnit tamanit, aamma innarluutilinniit pisariaqartinneqartut sammineqarlutik.
Peqataasut siammasissut
Ataatsimeersuarneq siammasissuuvoq, taamaattumillu peqataasut assigiinngitsorpassuullutik, ilaatigut politikerit, innarluutillit peqatigiiffiini ilaasortat, atorfillit, kommunimi sulisut, ilinniarsimasut, inuussutissarsiortut allallu.
- Tamatta assigiinngitsuunerput peqqutigalugu, Anne Hynne Nielsen Sermitsiamut oqarpoq.
Kalaallit Nunaanni inuit innarluutillit tapersersorneqarnissamik siunertaqarluartumillu inuuneqalernissamik ujartuinerminni ajornartorsiuteqangaartarnerat pissutigalugu ataatsimeersuarneq pisoq, Anja Hynne Nielsenip nassuiaatigaa.
- Ukioq manna ataatsimeersuarnermi tamanut naleqqussakkamik ilusilersuinerit nutaaliaasut pingaaruteqassusaat ersersinniarneqarpoq. Tassani nunatsinni peqataatitsinermut pitsanngorsaaniarnermi qanoq atorneqarsinnaanerimut ersersinniarneqarlutik, Anja Hynne Nielsen, Inuit Innarluutillit illersuisuat nassuaavoq nangillunilu:
- Eqiaalannaqaaq taamak amerlatigisut peqataammata, tassani oqaluttuassartatik, ilisimasatik aaqqiissutissallu tusartinneqarput. Atorfillit sumiiffimmilu oqartussaasut qanimut suleqatigalugit allannguuteqarnissaq isumalluarnarpoq.
Misileraalluni suliniutit
Ataatsimeersuarnermi aamma ersersinneqarpoq ilinniutinut, digitalikkut aaqqiinikkut angerlarsimaffimmi sungiusarnikkut innarluutillinnullu naleqqussakkamik takornariartitsinermut tunngasunik misileraalluni suliniutit pisariaqartinneqartut.
- Innarluutillit peqatigiiffiinut aningaasaliinisamut siunnersuutit aamma saqqummiunneqarput, tassani tapersersuinermut aaqqiissutissanut pingaarutilinnut peqataasinnaaniassammata, Anja Hynne Nielsen naggasiivoq.
