Ulloq unnuarlu nalunaarusiaq: Timmisartortartoq laserimik qorsummik seqertitsivigineqartoq
Qulimiguulimmik timmisartortartumut ingerlaartillugu laserimik qorsummik seqersisimasumik takunnissimasinnaasunik Kalaallit Nunaanni Politiit ujartuipput.
Timmisartortartoq marlunngornerup unnuaani laserimik qorsummik seqerneqarnermi kingorna takunnissinnaajunnaarallarnikumut suliamut Kalaallit Nunaanni Politiit misissuipput.
- Marlunngornerup unnuaani nalunaaqutaq 01.17 pivoq, qulimiguulimmik annaassiniummiuk SAR-imi timmisartortartoq ingerlaartilluni laserimik qorsummik seqerneqarpoq, Kalaallit Nunaanni Politiit pigaartuisa pisortaat Jeppe Andsager Sermitsiamut oqarpoq, nangipporlu:
- Timmisartortartut takusaqarsinnaajunnaarsinneqarneri ulorianarsinnaapput, aamma timmisartortartup isigisinnaassusaanut innarliisinnaalluni. Pisoq ilungersunartutut isigaarput, taannalu pillugu ilisimannittuusinnaasut oqaloqatigerusuppagut, Jeppe Andsager oqarpoq.
Suminngaannit seqersitsisisoqarsimanera maannamut nalunaarutigineqarsimanngitsoq Politiit oqarput.
Atuarfimmut tillinniartoqartoq
Suliaq alla marlunngornerup ullaavani aamma misissuiffigineqarpoq. Nuussuup Atuarfiani marlunngornerup unnuaani nalunaaqutaq 02.00 missaani tillinniartoqarsimasoq paasiniarneqarpoq.
- Igalaaq aserorneqarsimavoq allaffillu tillinniarfigineqarluni. Maannakkut suut tillinneqarsimanersut ilisimanngilarput, kisianni tillinniarnermut ilisimasaqartut oqaloqatigerusuppagut, pigaartut pisortaat oqarpoq.
Takunnissimasinnaasut politiinut oqarasuaammut 70 14 48-mut sianersinnaapput.
