USA-p ministeri sillimaniarnermut siunnersortilu Kalaallit Nunaannut aallartissavai
Nunap sillimaniarneq pillugu siunnersortaata Mike Waltzip nukissiornermullu ministerip Chris Wrightip Usha Vance Kalaallit Nunaannut angalaqatigissavaat.
Assi: Saul Loeb/Reuters/Ritzau Scanpix
USA-p nunami isumaniarnermut siunnersortaa Mike Waltz aamma nukissiornermut ministeria Chris Wright USA-p vicepræsidentiata nulia Usha Vance Kalaallit Nunaannut tikeraarnerani peqataapput.
Nutaarsiassaqartitsivik Reuters naapertorlugu White House taama ilisimatitsivoq.
Sapaammi præsidentip allaffiani nalunaarutigineqarpoq Usha Vance erninilu Amerikamiullu aallartitaat sapaatip-akunnerani matumani sisamanngornermiit arfininngornermut Kalaallit Nunaannut tikeraassasut.
Siullermik ilisimatitsissutigineqanngilaq Vancep kikkut angalaqatigissanerai.
Sapaammi unnukkut USA-p nalunaaqutaa malillugu Det Hvide Hus nalunaaruteqarpoq Mike Waltz Chris Wrightilu ilaatigut Pituffimmi sakkutooqarfik, siornatigut Thule-mik taaneqartarsimasoq, tikeraassagaat.
Det Hvide Hus nalunaaruteqarpoq Waltz Wrightilu sakkutooqarfimmut pigunik Amerikamiut sakkutuuinit paasissutissinneqarumaartut.
Aamma isumannaallisaanermut siunnersorti nukissiornermullu ministeri Usha Vance nunami tikeraarneranii sumiiffinnik oqaluttuarisaanermut tunngasunik takornarniarnerani Avannaata Qimussersuanillu malinnaanerani peqataassapput.
Reuters naapertorlugu Usha Vance, USA-p vicepræsidentianut J.D. Vancemut nuliaasoq, USA-mit aallartitanut siuttuussaaq.
USA-p præsidentiata Donald Trumpip arlaleriarluni oqaatigeqattaartarsimavaa Kalaallit Nunaata USA-mut ilaalernissaa kissaatigalugu.
Tikeraarnissaq nunatsinni politikerinit arlalinnit marsip 11-ani qinersisoqareerneranit naalakkersuisunik nutaanik pilersitsinissaq pillugu isumaqatiginninniartunit isornartorsiorneqarpoq.
Naalakkersuisut siulittaasorigallagaat Múte B. Egede ataasinngornerup unnuaani Facebookikkut nalunaarpoq Amerikamiut tikeraartussat Kalaallit Nunaanni naalakkersuisunik ataatsimeeqateqassanngitsut.
- Ersarissumillu Amerikarmiunut oqariartuutigineqarnikuuvoq, nunatsinni qinersinerup kingorna suli Naalakkersuisunngortitsisoqanngimmat aatsaat Naalakkersuisut nutaat ivertinneqarpata oqaloqatigiinnerit pissappata ingerlanneqarsinnaasut, Múte B. Egede allappoq.
- Taamatuttaarlu nunatsinni namminiussuseqarnerput tamallu oqartussaanerat tunngavigalugu ingerlaaserput, kikkuugaluartulluunniit avatitsinneersut ataqqissagaat sunniiniarfigissanngikkaallu naqissuserneqarluni, nangippoq.
Brian Hughes, Det Hvide Husimi oqaaseqartartoq, Reutersimut oqarpoq tikeraarneq Kalaallit Nunaata nunatut namminiussuseqarneranik ataqqinnittumik suleqatigiinnermik ineriartortitsinissamut periarfissatut atorneqassasoq.
- Tikeraarnermi Kalaallit Nunaat, nunap kulturia, oqaluttuarisaanera inuilu pillugit paasisaqarnerunissaq siunertaavoq, aamma qimussimik sukkaniunneq USA-mit aningaasalersorneqartoq isiginnaariarneqassaaq, Brian Hughes oqarpoq.
/ritzau/
