KL

DK

USA-p præsidentiata tullia Kalaallit Nunaata oqartussaaffigilernissaa pillugu: - Isumaqarpunga ajornanngitsoq

Danmarkip Kalaallit Nunaannik oqartussaaffeqarnermini suliassani naammassinngilaa, USA-p præsidentianut tullersorti J.D. Vance isumaqarpoq, taassumalu USA-p Kalaallit Nunaat oqartussaaffigilersinnaagaa upperaa.

USA-p præsidentia Donald Trumpip "Europamiut nipituuliornerat soqutiginngilaa, Amerikamiulli soqutigisaat salliutittuaannarpai. Amerikamiut soqutigisaat siulliullugit inississavai", præsidentip tullersortaa J.D. Vance Fox Newsimut oqarpoq. (Toqqorsivimmit)
Ritzaus Bureau
Thomas Munk Veirum
Tusagassiortoq
Saqqummersinneqarpoq

Danmarki iliulluanngilaq.

USA-p præsidentiata tullersortaa J.D. Vance Fox News-imit apersorneqarnermini oqarpoq, ilaatigut USA-p Kalaallit Nunaannik soqutiginninnera pillugu apersorneqarluni.

Donald Trump novembarimi præsidentitut qinigaareernermi kingorna Kalaallit Nunaata oqartussaaffigilernissaanik soqutiginninnini oqaatigisaarpaa.

- Kinamiut russillu taassuma imaaniipput, Danmarkilu Kalaallit Nunaannik nakkutilliisoq suliassaminik naammassinninngilaq, tamannalu iliulluarnerunngitsumik takutitsivoq, præsidentip tullersortaa oqarpoq.

Vancep oqartussaaffeqalernissaq pillugu: - Isumaqarpunga ajornanngitsoq

USA-p “Kalaallit Nunaata nunataasa ilaat akisussaaffigissallugu soqutigigaa” aaqqiissutissaasoq taanna isumaqarpoq:

- Taamaattumik immitsinnut aperisariaqarpugut ajornartorsiut tamanna qanoq aaqqissanerlugu, nunatta isumannaatsuunissaa qanoq aaqqissaneripput. Tamannalu Kalaallit Nunaanni nunap immikkoortuinik akisussaafeqalernissamik kinguneqarpat taava præsident Trump taamaaliussaaq.

- Europamiut nipituuliornerat soqutiginngilaa, Amerikamiulli soqutigisaat salliutittuaannarpai, J.D. Vance Fox Newsimut oqarpoq.

USA-p Kalaallit Nunaat oqartussaaffigilernissaa naatsorsuutigineraa USA-p præsidentiata tullia J.D. Vance Fox News-imit aperineqarpoq:

- Isumaqarpunga ajornanngitsoq, Vance akivoq, eqqaallugulu Kalaallit Nunaat "nunap isumannaatsuunissaannut pingaaruteqarluinnartoq“.

- Trump Kalaallit Nunaanni oqartussaasutut allatut periaaseqassaaq

Kalaallit Nunaat "pinngortitami pisuussutinik annertuunik peqartoq“ aamma "nunaasoq naggorissoq qallunaat ineriartortinnissaanut misissuiffiginissaanullu periarfissinngikkaa“ oqarpoq:

- Kalaallit Nunaanni inuit 55.000-it danskit naalakkersuisuinik nuannarinngitsut najugaqarput. Pinngortitami pisuussutinik annertuunik pigisaqarput nunaallu naggorissuulluni, taakkulu qallunaanit ineriartortinneqaratillu misissuiffigineqanngillat.

- Donald Trump Kalaallit Nunaanni aqutsisuusuuguni soorunami allatut periuseqassaaq, J.D. Vance oqarpoq.

Nunanut allanut ministeri Lars Løkke Rasmussen (M) Danmarkip “Kalaallit Nunaat USA-mut tuniunnanngikkaa" sapaatip-akunnerani kingullermi oqarpoq.

Taamatut oqarnera USA-p nunanut allanut ministeriata Marco Rubiop Donald Trumpip Kalaallit Nunaata pisiarerusunenranik "piaarinerunngitsutut“ oqaaseqareernerata kingorna pivoq.

- Taama pisoqarunnanngilaq, taama pisoqarsinnaanngilaq. Kalaallit inuiaapput. Kalaallit Nunaat Naalagaaffiit Peqatigiit isumaqatigiissutaannit illersorneqarpoq. Taama pisoqarsinnaanngilaq, Løkke TV 2 Newsimut oqarpoq.

Naalakkersuisut pisortatigoortumik Trumpip Naalakkersuisui oqaloqatiginissaat sulissutigalugu avammut nalunaarutiginikuuaat, aamma Naalakkersuisut Amerikamiunngornissat politikkerinngikkaat:

- Kalaallit Nunaata siunissaa Kalaallit Nunaanni aalajangerneqassaaq, Múte B. Egede oqarnikuuvoq.

nationale sikkerhed samfund j.d. vance danmark donald trump grønland inuiaqatigiit

ATORFIIT Se alle jobs

Powered by Labrador CMS