Erik Jensen Siumup
Qasigiannguani ukiut marluk matuma siorna ataatsimeersuartitsinerani
siulittaasunngorpoq, maanna partiimi ilaasortat Nuummi immikkut ittumik juunip
28-anni ataatsimeersuassappiut.
Ilaasortat tassani siuttussaminnik nutaamik toqqaaqqittussanngorput.
Erik Jensen Siumup
Qasigiannguani ukiut marluk matuma siorna ataatsimeersuartitsinerani
siulittaasunngorpoq, maanna partiimi ilaasortat Nuummi immikkut ittumik juunip
28-anni ataatsimeersuassappiut.
Ilaasortat tassani siuttussaminnik nutaamik toqqaaqqittussanngorput.
- Peqataasussat
ilaat Nuummi peqataassapput, ilaat Zoomikkut. Kisianni ilaasortat qanoq
amerlatigisut peqataassanersut aamma kikkut partiimi siuttussatut
sassarniarnersut suli ilisimaneqanngilaq, partiimi allatsi Ole Aggo Markussen
sermitsiamut allappoq.
- Uanilu pingaarnertut
oqaluuserisassat marluk oqaluuserineqassapput; siulersuisuunerit aamma
anguniakkat qumartinneqarsimasut. Immikkut ittumik ataatsimeersuarnissamut
piareersaateqarneq siulersuisuunerit aalajangersagaat malillugu
ingerlanneqarpoq, Ole Aggo Markussen ilisimatitsivoq.
Partii
naligiissitaaneq pillugu suliassaqartoq
Siumut
maanna siulittaasua, Vivian Motzfeldt, Inatsisartunut qinersereernerup
kinguninngua, qinersisoqarnerani inatsisartunut qinersinermut siulianut
sanilliullugu qinikkanik arfinilinnik kinguariaramik partiip
oqaluttuarisaanermi aatsat taama ajorsarfigitigisaani, siulittaasutut siulersuisuunernit
toqqarneqarpoq. Inatsisartunilu ullumikkut sisamanik ilaasortaqarpoq, ukuusut:
Kim Kielsen, Erik Jensen, Lars Poulsen Vivian Motzfeldtilu. (Vivian Motzfeldt
Nunanut allanut Ilisimatusarnermullu Naalakkersuisunngornerminut atatillugu
Inatsisartunit sulinngiffeqarallarmat Anders Olsen sinniisutut ilaasortanngorpoq)
Vivian
Motzfeldt Siumut siulittaasussaatut siullerpaamik 2020-mi sassaraluarpoq,
taamani taasinermi siullermi ajorsarpoq Erik Jensenilu taamani siulittaasumut
Kim Kielsenimut ajugaagami siulittaasunngorpoq.
Vivianip
siulittaasussamik taasisinnaasunit 70-iusunit taamaallaat arnat arfineq
marluummata partiip ataatsimeersuartitsinerani arnat angutillu
naligiinnginnerujussuat, eqqaamavaa.
- Angutit
assortornianngilakka, partiilli angutit arnallu naligiinnerulernissaat
qulakkeertariaqaraa kisitsisit namminneq takutippaat. Naligiinneruleraangatta
angusaqarluarnerusarpugut, maannalu taama inissisimanitsinnut tamanna
pissutaasinnaavoq, Vivian Motzfeldt Sermitsiami apriilimi oqarpoq, siulittaasutullu
partiimi arnat angutillu naligiissitaanerulernissat sulissutiginiarpaa.
Qinikkat
annaagaat – akisussaaqataaniunngitsorli
Vivian
Motzfeldtip siulittaasutut toqqagaanerata kingorna Siumut siulersuisuuneranni
aamma nutaamik siulittaasup tullianik toqqaasoqarpoq: Amalie Bourup Siumut
Inuusuttaaniit. Siulersuisuunerit Qasigiannguani 2023-imi juulimi toqqarneqarpoq.
- Nukiit nutaat aamma kiinnat nutaat aallartissasut innuttaasut
kissaatigigaat, siunissamullu erseqqissumik takorluugaqarnissaq tamatumunnga
ilaasoq Amalie Bourup partiimi kinguaariinnut nutaanut ilaasoq isumaqarpoq.
Politikki tassaassanngilaq qanga pissutsinut unittoorfiusoq.
Allanngorartuassaaq aamma iliuuseqarsinnaassuseqarnermiippoq, Siumut
siulittaasup tullianik toqqaanerup kingorna tusagassiutitigut nalunaarpoq.
–
Inatsisartunut ilaasortanik annaasaqarpugut, kisianni akisussaaffipput suli
taannaavoq. Maanna periarfissinneqarpugut nuna nukittunerusoq
pilersinniassallugu, innuttaasut peqatigalugit aamma ataatsimut siunissarput
sunniuteqarfigalugulu ilisilersoqatigiiffigalugu, Amalie Bourup siulittaasutut
tullertut toqqangaanermi kingorna oqarpoq.
