Tasiilami
nunaqarfiinilu aalisarnermik inuussutissarsiuteqarnerup aallarnisarnissaa
inerisaaffigineqarnissaallu pillugit Naalakkersuisut aamma Kommuneqarfik
Sermersooq ukiut kingulliit annertuumik suliaqarput, tamatumalu kingunerisaanik
illoqarfiup oqaluttarisaanerani siullerpaamik aggustip 20-at aallarnerfigalugu,
Tasiilami Royal Greenlandip utaqqiisaasumik aalisakkerivissaa ammarneqarpoq.
Aalisakkerivik nutaaq maanna sanaartorneqartoq aappagu
atoqqaarfissiorneqassaaq.
Tamannalu
aalisartunut taamaallaat pinnani Tasiilami nunaqarfiinilu innuttaasunut tamanut
iluaqutaajumaartoq, Kommuneqarfik Sermersuumi kommunalbestyrelsimut ilaasortaq
aamma borgmesterip tullersortaa siulleq, Justus Hansen, Demokraatit, aamma
Tasiilami aalisartut piniartullu peqatigiiffianni siulittaasoq Bendt Josvassen,
oqarput. Aammali piniartuunermiit aalisartuunermut ikaarsaarnerup
unammillernartoqarnissaa piareersimaffigineqartariaqartoq, taakku isumaqarput.
Tasiilami
nunaqarfiinilu aalisarnermik inuussutissarsiuteqarnerup aallarnisarnissaa
inerisaaffigineqarnissaallu pillugit Naalakkersuisut aamma Kommuneqarfik
Sermersooq ukiut kingulliit annertuumik suliaqarput, tamatumalu kingunerisaanik
illoqarfiup oqaluttarisaanerani siullerpaamik aggustip 20-at aallarnerfigalugu,
Tasiilami Royal Greenlandip utaqqiisaasumik aalisakkerivissaa ammarneqarpoq.
Aalisakkerivik nutaaq maanna sanaartorneqartoq aappagu
atoqqaarfissiorneqassaaq.
SULINIUTIT ARLAQARTUT
Kommuneqarfik Sermersuumi kommunalbestyrelsimut
ilaasortat, nunaqarfinni aqutsisunut ilaasortat, minnerunngitsumillu aalisartut
piniartullu peqatigiiffiisa, Tunumi aalisarnermik inuussutissarsiuteqarnerup
inerisaaffigineqarnissaa ukiuni kingullermi annertusiartuinnartumik
piumasarisarsimavaat. Tamannalu Naalakkersuisooqatigiit tusaaniarsimavaat
suliniutinillu assigiinngitsunik aallartitillutik.
Aalisarnermik ineriartortitsinerit pillugit aningaasanut
inatsimmi immikkoortitanit, ukiut siuliini aalisarnermut atortunik
assigiinngitsunik Tunumi aalisartunut Naalakkersuisut tapiissuteqartarput, aammattaaq
2023-miit 2030-mut Tunumi aalisarnerup ineriartortinneqarnissaanut
pilersaarutip timitalernissaanut atatillugu, Aalisarnermut Piniarnermullu
Naalakkersuisoqarfik Tunumi iluatsilluartumik aprilimi aalisarneq pillugu isumasioqatigiisitsivoq,
tamatumalu kingunerisaanik Tunumi sinerissap qanittua tamaat killeqanngitsumik
misileraalluni nipisanniarfiusinnaanngorlugu maajip naaaneraniit
ammaanneqarpoq.
Naalakkersuisut 2023-mi Tunumi sinerissap qanittuani
aalisakkanik assigiinngiiaartunik misileraalluni aalisartoqarsinnaaneranik
periarfissiipput, taamaattumillu Kulusummi saarullinnik misileraalluni
aalisarnissanut bundgarninik aalisaatinillu imminut isumagisunik pisinissamut
Aalisarnermut Piniarnermullu Naalakkersuisoqarfik aningaasaliissuteqarnikuuvoq,
kiisalu Tasiilap eqqaani qaleralinnik saarullinnillu misileraanissamut
qassutinik amoorummillu imminut isumagisunik pisinissamut aamma aningaasaliinikuulluni.
Kuummiut eqqaani saattussanik nataarnanillu misileraalluni aalisarnissanut
pullatinik aalisaatinillu imminut isumagisunik pisinissanut siornatigut
aningaasaliisoqarnikuuvoq.
Paasisat: Naalakkersuisut
Tamannalu
aalisartunut taamaallaat pinnani Tasiilami nunaqarfiinilu innuttaasunut tamanut
iluaqutaajumaartoq, Kommuneqarfik Sermersuumi kommunalbestyrelsimut ilaasortaq
aamma borgmesterip tullersortaa siulleq, Justus Hansen, Demokraatit, aamma
Tasiilami aalisartut piniartullu peqatigiiffianni siulittaasoq Bendt Josvassen,
oqarput. Aammali piniartuunermiit aalisartuunermut ikaarsaarnerup
unammillernartoqarnissaa piareersimaffigineqartariaqartoq, taakku isumaqarput.
Tunisineq
killeqartoq
Inuussutissalerinermut
Aqutsisoqarfiup utaqqiisaarutaasumik akuersissuteqarneratigut Tasiilami
aalisakkanik tunitsiviugallartussaq ammarneqartpoq, tassanilu aalisakkat
ullormut 3 tonsit tunineqarsinnaapput. Ullunili siullerni marlunni saarulliit
83 kilo taamaallaat tunineqarput, tamannali piffissami matumani piniartut
qilalugarniarnerannik peqquteqartoq tunitsivimmi aqutsisoq Frede Kilimi
oqarpoq.
- Qilalugarniarnerli
qaangiuppat tunitsiviup atorluarneqalernissaa naatsorsuutigaarput. Siorna
novemberi naajartortoq aalisakkat tammakarput, taamaattumik ukiap ingerlanerani
tunisinerup qanoq ingerlanissaa pissangarpoq, taanna oqarpoq.
Maannakkuugalluartumut
saarulliit kisimik tigoorarneqassapput, tunitsivilli nutaaq aappaagu atulerpat
aalisakkat assigiinngitsut tunineqarsinnaalissapput. Maannakkut
sulisut sisamaapput aappaaguli sulisut arfineq pingasut sulisorineqarnissaat
naatsorsuutigineqarpoq.
Alloriarneq pingaarutilik
Royal Greenland avataasiorluni aalisarnermi saarullunnik
5.515 tonsinik suluppaakkanillu 406 tonsinik juunip qiteqqunnerani siorna
aasakkut pisassinneqarpoq, tassani ilaatigut suliffeqarfissuup Tasiilami
aalisakkanut sulliffissualiornissaa siunertaavoq, taannali sioqqullugu siorna
septemberi aallartilaartoq Royal Greenland aalisartunit atorluarneqaqisumik
Tasiilap eqqaani umiarsuarmik tunitsiviliivoq. Suliffeqarfissuup Tasiilami tunitsivittaarnera
Tunumi aalisarnerup ineriartorneranut pingaaruteqartoq, Royal Greenlandimiit
oqaatigineqarpoq.
Arctic Prime Fisheries ApS Tunumi kisiartaalluni
maannamut Kuummiuni aalisakkanut suliffissuarmik ingerlatsisuusimavoq,
tassungalu qalerallit, qeeqqat, saarulliit ammassallu katillugit 400 tonsit missaat ukiumut tulaanneqartarput.
Unammilligassat isumalluarnerlu
Royal Greenlandip Tasiilami aalisakkerivittaarnissaa
maannakkullu tunitsiviugallartumik ammaanera partiit akimorlugit politikkikkut
suliniutit iluatsinnerannik peqquteqartoq, Kommuneqarfik Sermersuumi
borgmesterip tullersortaa siulleq Justus Hansen oqarpoq. Aammali
unammilligassat eqqumaffigisassat arlaqartut taassuma erseqqissaatigaa.
- Piniartuunermiit aalisartuunermut ikaarsaarneq qanoq ingerlassanersoq
pissanganarpoq, kisiannili siorna umiarsuarmik tunitsiviliisoqarmat aalisartut
tunisilluarput, taamaattumik siunissamut isumalluarnissamut
tunngavissaqarluarpoq, taanna oqarpoq.
Tasiilami aalisakkerivittaarnissaq ukiorpassuarni ujartorsimagitsik,
maannakkullu tamatuma piviusunngornera siunissamut isumallualersitsisoq, Tasiilami
aalisartut piniartullu peqatigiiffianni siulittaasoq Bendt Josvassen oqarpoq.
- Kuummiut eqqaanut aalisariartarpugut tamannalu
pisariuvoq, maannakkulli Tasiilami tunisisinnaalernerput assut
nuannaarutigaarput, taanna oqarpoq.
Ukiut kingulliit ingerlaneranni piniartuunermiiit
aalisartuunermut ikaarsaartut amerliartortut, inuusuttullu aalisarnermut
soqutiginnilersinneqassappata atugassaritaasut pitsaasuusariaqartut, taanna
isumaqarpoq.
