Australiamiut
suliffeqarfiutaasa Energy Transition Mineralsip, Kuannersuarni ujaasinissamut
akuersissuteqartup, aammali Namminersorlutik Oqartussanik
isumaqatigiinniartarfimmi eqqartuussivimmilu suliassanngortitsisimasup, Kuannersuarni ujaasinini ingerlatiinnarpaa.
Tamanna
suliffeqarfiup nalunaarusiaani atuarneqarsinnaavoq.
Australiamiut
suliffeqarfiutaasa Energy Transition Mineralsip, Kuannersuarni ujaasinissamut
akuersissuteqartup, aammali Namminersorlutik Oqartussanik
isumaqatigiinniartarfimmi eqqartuussivimmilu suliassanngortitsisimasup, Kuannersuarni ujaasinini ingerlatiinnarpaa.
Tamanna
suliffeqarfiup nalunaarusiaani atuarneqarsinnaavoq.
Ujarassiorluni misissuineq Kuannersuarni ujarassiuutut misissuineq qaqqanillu misissueqqissaarneq
ingerlanneqaleruttortut ingerlatseqatigiiffik nalunaarummi allappoq. ”Suliniut, ilaatigut ujarassiuutut misissueqqissaarneq qaqqanillu
misissueqqissaarneq, juunip 26-ani aallartippoq, Energy Transition Mineralsillu
akuersissutaani ujarassiuutut misissueqqissaarnerup immikkoortuini
misissueqqissaarneq pissaaq, ujarassiuutut misissueqqissaarnerit pioreersut
sukumiinerusumik misissorneqassallutik, misissueqqissaarfissallu
sumiissusersineqassallutik”.
Misissuiffimmi
maanna suliarineqartut suliniummi paasissutissatut katersat naapertorlugit
ingerlanneqarput. Suli misissuiffigineqanngitsut, taamaammat misissuinerit
maannakkut ingerlanneqartut suliniummut atatillugu paasissutissanik
katersuinermit aallaaveqartut suliffeqarfiup oqaatigaa.
Misissuiffimmi
suliaqarneq nunakkut silaannakkullu septembarip naanissaata tungaanut
ingerlanneqassaaq.
Kuannersuarni suliniummi sumiiffiit misissuiffigineqartut assigiinngitsut
Illustration: ETM
Nunap misissuiffissatut akuersissuteqarfiusup immikkoortuisa ilai suli
misissorneqanngitsut ETM-ip pisortaanera Daniel Mamadou suliat kingulliit pillugit nalunaarummi ima
oqarpoq:
– Misissuinermi
atortussiassaqarneranik misissuinissamut akuersissutitsinni nassaarfiusinnaasut
salliutinneqarput. Ilimasussuup ilaminiinnaa tamakkiisumik
nalilersorneqarsimavoq, misissuinerullu matuma akuersissummik piginnittup immikkoortuini suli misissorneqanngitsuni
ujaraaqqanik suli allanik steenstrupininik aamma eudialytinik akoqarsinnaasut
misissornissaat siunertaraa.
Aatsitassanut naalakkersuisoqarfik naapertorlugu naak
Naalakkersuisut uranimut inatsit 2021-meersoq naapertorlugu piiaanissamut
qinnuteqaatiminnik kingulleq itigartissimagaluaraat Energy Transition
Mineralsip akuersissummik pigisaminni misissuinini ingerlatiinnarpaa.
Ingerlatseqatigiiffiup aatsitassanik allanik ujaasinini
ingerlatiinnarsinnaalluglu taakkununnga piiaanissamut qinnuteqaratarsinnaavoq.
