Biileerniarfimmi upernaarpalaaq

Allaaqqinnerani seqinnarissigaangat upernaarpalaalersarpoq, aamma biilinik tuniniaasarfiit taama misigisarput ukiumut pisiassat nunatsinnut tikiutileraangata.

Deres Automi piffissami qaninnermi nutaarsiassaqassaaq. Tuniniaanermut pisortaq Palle Frederiksen oqarpoq.

– Maannakkut nutaanik arlalinnik suliaqarpugut. Ilaatigut Mitsubishi Outlanderimik nutaamik pissarsivugut, taannalu soqutigineqartorujussuuvoq. Tamatuma saniatigut ukioq manna nutaarsiassanik pissanganartunik allanik saqqummiussassaqarpugut. Maannakkut Mercedes GLC innaallagissamik ingerlasoq nutaaq kiisalu Mercedes GLE nutartikkat aamma Hyundai Ioniq 9 utaqqivagut. Taakkua saniatigut maannakkut Mercedes G-Klasse G580 peqqumaasivitsinniilereerpoq, taannalu saqqummersitsivitsinni takuneqarsinnaavoq.

Nuuk-biilit suli nuannarineqarput

Mitsubishi Outlander ukiorpassuarni Nunatsinni nuannarineqartorujussuuvoq, illoqarfimmilu biilertartorpassuit atugarimmassuk taanna "Nuummi biilinik" taaneqartarpoq.

Biilit SUV-iupput akunnattumik angissusillit arfineq-marlunnik issiavilik.

Biilit plug-in hybridit (PHEV), Kalaallit Nunaanni nalinginnaanerpaat, benzinamik 2,4 literimik motooreqarput innaallagissamillu ingerlasumik marlunnik motooreqarlutik, taakkulu katillugit 248 hk-nik nukittussuseqarput innaallagiarlu kisiat atorlugu akunnermut 61 kilometerinik sukkassuseqarlutik ingerlasinnaallutik.

AAMMA ATUARUK

Biili innaallagiatortoq malunnaatilik Nunatsinni tuniniagaalissasoq

SUV akimasooq sukkasuumik immersinnaasoq

Mercedesit innaallagiartortut GLC-it  EQ-Technologymik taaneqartartut, nutaarluinnarmik tunngavilimmik sanaajupput. Biilit taakkua ilaat tassaavoq SUV akimasoq sukkasuumik immerneqarsinnaasoq — tuniniaasartoq naapertorlugu minutsit qulit immerneqareerlutik 300 kilometerisut ungasitsigisumut ingerlasinnaavoq.

Aammattaaq biilit batterii sivisunerusumik atorneqarsinnaalerlugit kiassaammik pumpertalimmik silaannarissaatitalinnik atortorissaaruserneqarsimapput, taamaalillunilu issittumi ingerlasinnaanerup sivitsornissaanut iluaqutaalluni.

Biilit innaallagiaq atorlugu ingerlasartut Kinamiunit sanaat Nuummi nuannarineqarluartut

Deres Autop aamma SUV nuannarineqarluartoq Navor pigilersimagaa, Palle Frederiksen oqarpoq.

Navor siorna nunarsuarmi tamarmi nuannarineqarlualereerluni Nunatsinni saqqummerpoq. Nunani 70-init amerlanerusuni 3 millionit missaanniittut atugaraat. Navor DFSK Motorip ilaa – Kinamiut biilinik sanaartortartut marluk Dongfeng Motor Group aamma Seres Group suleqatigiillutik ingerlatseqatigiiffiutigaat. Biilit nuannarineqaleriartorneranut SUV-iusoq angisoorujussuaq arfineq-marlunnut inissaqartitsisoq, taamaallaat 250.000 koruuninik akeqarnera pissutaavoq.

Biilit siulliit 46-t tunineqartut 

Deres Autop Navorit siulliit tallimat 2025-mi aasakkut pisiaraat tikisillugillu, tamarmillu pisiniarfimmut suli apuunnatik tunineqarput, taavalu 30-t sinnerlugit tikisippaat taakkulu aamma sukkasuumik ukiaanerani ukiorneranilu tunineqarlutik.

- 15-it maanna tikittoorutigeqqammerpagut, taakkunannga sisamaannaat sinnerupput, taamaammallu inniminneqqinnikuuagut, Palle Frederiksen oqarpoq, nangillunilu:

- Navor maani nuannarineqarlualereerpoq, tamannalu paasiuminarluni - aningaasarpassuit atornagit biilisisoqarsinnaavoq, iluarlutillu.