Siornamut
naleqqiullugu ukioq manna Sarfaq Ittummut ilaaniartut amerlanngillat. Arctic
Umiaq Linep nammineq kisitsisaataasa takutippaat affaannanngorsimasut. Tamanna
aqqutip nutaap kinguneraa, umiarsuaq sapaatit akunnera allortarlugu Uummannap
Nanortallillu akornanni sivisunerusumik angalasarmat.
– Tamanna
iluatsitsinerunngilaq, Nanortallimmi Uummannallu akornanni angalasut
ikittuararsuupput, angalasullu sinersortaammik ilaanissaminnut periarfissaat
ukiut siuliinut sanilliullugu ajorseriarsimavoq. Tamatuma kinguneraa ilaasut
ikinnerunerat, juulip aallaqqaataani pisortanngortoq Taitsiannguaq Olsen
oqarpoq.
Siornamut
naleqqiullugu ukioq manna Sarfaq Ittummut ilaaniartut amerlanngillat. Arctic
Umiaq Linep nammineq kisitsisaataasa takutippaat affaannanngorsimasut. Tamanna
aqqutip nutaap kinguneraa, umiarsuaq sapaatit akunnera allortarlugu Uummannap
Nanortallillu akornanni sivisunerusumik angalasarmat.
– Tamanna
iluatsitsinerunngilaq, Nanortallimmi Uummannallu akornanni angalasut
ikittuararsuupput, angalasullu sinersortaammik ilaanissaminnut periarfissaat
ukiut siuliinut sanilliullugu ajorseriarsimavoq. Tamatuma kinguneraa ilaasut
ikinnerunerat, juulip aallaqqaataani pisortanngortoq Taitsiannguaq Olsen
oqarpoq.
Aqqutip
nutaap angalasut Air Greenlandimit timmisartumut ingerlatippai Sarfaq Ittummut
ilaanissaraluarmiit.
– Uummannap
Nanortallillu akornanni aqqutip nutaap angalasut sineriammi angalanissaannut
periarfissat ajortumik eqqorpai, tamatumalu kingunerisaanik Arctic Umiaq Linep
billitsimut akigititai qaffammata siusinnerusukkut ilaasartut Air Greenlandimit
takuss billitsit atorlugit angalasalersimapput, Taitsiannguaq Olsen oqarpoq.
Nassuiaavoq
Sarfaq Ittummut billitsit akisunerulersimasut, nioqqutissanik taartissanillu
akit assigalugit, ikummatissaq aamma qaffalluni.
Nanortalik
1150 missaannik innuttaqartoq Air Greenlandip qulimiguuliinit
kiffartuunneqarpoq, sumiiffimmi Disko Line aamma angalasarluni.
Uummannaq
1400 missaannik innuttaqartoq Air Greenlandip qulimiguuliinit sullinneqarpoq,
timmisartoq Dash 8 aamma Qaarsut Upernaviullu mittarfiinut angalasarluni.
– Ukioq
manna Sarfaq Ittuk sumiiffinnut taakkununnga tikittalerpoq ilaasinnaasulli
killeqarput. Siusinnerusukkut Air Greenlandip angalasut tamaasa ilaasorisarpai.
Angallavitta nutaap kinguneraa illoqarfinnit mittarfeqartunit soorlu Paamiunit,
Maniitsumit, Sisimiunit, Aasiannit immaqalu aamma Qaqortumit ilaasussat
annaaneqarnerat, sumiiffinnut taakkununnga umiarsuup tikinnissaa
akuttunerulermat, taamaattumik angalasut Air Greenlandimik
angalarusunnerullutik, Taitsiannguaq Olsen oqarpoq.
Arctic Umiaq Line taamaatinneqarsinnaasoq
Arctic Umiaq
Linemik kiffartuussinissamik isumaqatigiissut 2025 naanissaanut atuuppoq,
ingerlatseqatigiiffillu maannakkorpiaq Namminersorlutik Oqartussanik
isumaqatigiinniarpoq, nutaamik kiffartuussinissamik
isumaqatigiissuteqassanersoq imaluunniit maannakkut atuuttoq 2027-mut
sivitsorneqassanersoq.
– Maannakkorpiaq
suliassat pingaarnersaraat kiffartuussinissamik isumaqatigiissut pillugu
isumaqatigiinniarnerit, maannakkullu kiffartuussinissamik isumaqatisiissut
2027-mut sivitsorneqassanersoq. Aqqut nutaaq takinerusoq attanneqassava
imaluunniit angalaffigisartakkamut uteqqissaagut, Arctic Umiaq Line
pilersinneqarmalli atorneqarsimasumut. Nuummiut nalunngilaat umiarsuaq
marlunngornikkut tulakkaangami kujammut ingerlaqqittartoq, tallimanngornikkullu
tulakkaangami avannamut ingerlaqqittartoq, Taitsiannguaq Olsen oqarpoq.
Nuummi
Ilulissanilu mittarfissuassanut milliardilikkaanik aningasaliisoqarsimavoq,
Albatros Arctic Circle Air Greenlandimik isumaqatigiissuteqarluni 2025-mi
timmisartorsuaq sapaatit akunneranut marloriarluni mittassalluni taamaalilluni
angallanneq allanngorluni. Taamaattumik naalakkersuinermik suliaqartut
aalajangersinnaavaat Arctic Umiaq Linemik kiffartuussinissamik isumaqatigiissut
unitsinneqassasoq.
– Naalakkersuinermik
suliaqartut aalajangersinnaavaat maannakkut kiffartuussinissamik
isumaqatigiissut 2025 naanissaanut atuuttoq atorunnaassasoq, taamaalilluni
Arctic Umiaq Line taamaatinneqarluni, Taitsiannguaq Olsen oqarpoq.
Naatsorsuutigaa
kiffartuussinissamik isumaqatigiissut pillugu isumaqatigiinniarnerit oktobarip
naanerani taamaatissasut, aalajangerneqassallunittaaq Sarfaq Ittuup
angalasarnissaa siunissaalu.
– Naalakkersuinermik
suliallit aalajangissavaat siunissami ilaasunik angallassineq
marloqiusaasarnersoq imaluunniit siunissami angallanneq ataasiinnarmik
tunngaveqassanersoq. Arctic Umiaq Line taamaatinneqassappat Qeqertarsuatsiaani,
Arsumi qulimiguulinnut mittarfinnut aningaasaliisoqassaaq Kangaamiunullu
timmisartorneq isumannaarneqarluni. Allatut aaqqiinermi imaatigut
assartueriaatsit allat isumaliutigineqartariaqarput, Taitsiannguaq Olsen
oqarpoq.
Siunissamut takorluukkat tallimat
Nalunaarusiaq
Inatsisartunut tunniunneqarsimavoq siunissami 2025 (Arctic Umiaq Line),
kingornagut sinersorluni angalanermut siunissami takorluukkanik imaqartoq, taannalu Aningaasaqarnermut Naalakkersuisumit Erik
Jensenimit (S) juulimi
saqqummersinneqarluni.
Matumani
maannakkut angallannerup aaqqissuunnera allaaserineqarsimavoq mittarfeqarluni
qulimiguulinnullu mittarfeqarluni, talittarfeqarluni, kiffartuussinissamik
isumaqatigiissuteqarluni, Arctic Umiaq Linellu pilersaarutai
aningaasaliinissamullu pisariaqartitsinera nalilerneqarluni, ilaatigut
siunissamut takorluukkat assigiinngitsut tallimat isiginiarneqarlutik: 2025
kingorna Arctic Umiaq Linep taamaatinnissaa, ingerlaannarnissaa,
nutarternissaa, imaluunniit ineriartortoqarluni nutarterisoqarlunilu, umiarsuarmik
attartornissamut aningaasaliisoqarluni.
Nalunaarusiami
Arctic Umiaq Linemit innersuussutigineqarpoq, Arctic Umiaq Line
attaveqaasersuutitut pingaaruteqartutut
isigineqassanersoq, Namminersorlutillu Oqartussat aningaasaliinissamut
piumassuseqarlutik, kiffartuussinissamillu isumaqatigiissut naleqquttoq
neqeroorutigalugu, aallaqqaammut allanngorani ingerlanneqarluni, umiarsuarmillu
pioreersumik piffissami sivisuumi attartornissaq sulissutigineqarluni,
kingornalu nutarnerilluni Arctic Umiaq Linellu piorsarlugu, 2030-milu nutaamik
umiarsuarsilluni.
– Isumaqarpunga
misissorneqaqqaassasoq mittarfiit nutaat qanoq siunissami angalasut
pissusilersornerannut sunniuteqassanersut, siunissamilu qanoq nunap iluani
angalasoqarniarnersoq. Nuummilu mittarfissaq nunatsinnut
nunatsinniillu angalasut Nuummut mittarlutik, sineriaallu sinneranut
siammarlutik, takussallugu pissanganassaaq, qanoq angalaqqikkusussanersut, Air
Greenlandimillu angalaannarnissaq toqqassaneraat, Taitsiannguaq Olsen oqarpoq,
naalakkersuinikkullu oqaluuserineqarnissaa kajumissaarutigalugu, siunissami
angallanneq qanoq ittuussanersoq pillugu, aamma aappaagu Inatsisartunut
qinersinissamut atatillugu.
– Air
Greenlandip angalasut sullissinnaavai, inuiaqatigiilli sunut akissaqarpat?
Marloqiusamik aallaaveqarluni angallanneq attatissavarput, taamaalilluta
umiarsuaq nutaaq millionilikkaanik pingasunik
kisitsisitalinnik akeqartoq avaqqussinnaanatigu, Sarfaq Ittuk ukiunik
32-nik pisoqaassuseqarmat, ukiullu
tulliuttut marluk-pingasut iluanni taarsertariaqarluni, Taitsiannguaq Olsen
oqarpoq.
